0
0
Read Time:30 Second
Պէյրութի մէջ յետ կարճատեւ հիւանդութեան, Յուլիս 16-ին մահացաւ լիբանանահայ գրող, բանաստեղծ եւ կրթական մշակ՝ Շուշիկ Տասնապետեան, որ երկար տարիներ զբաղած է ուսուցչութեամբ, միաժամանակ դասաւանդելով «Համազգային»-ի Ճեմարանին եւ Հայագիտական Հիմնարկին մէջ։
Ան կը համարուի Սփիւռքի արդի բանաստեղծութեան դէմքերէն մէկը։ Անդամ էր Հայաստանի Գրողներու Միութեան, սերտ համագործակցութիւն ծաւալած է մասնաւորապէս Հրանդ Մատթէոսեանի, Լեւոն Անանեանի, Սամուէլ Մկրտիչեանի եւ Աբգար Ափինեանի հետ, որուն հետ ալ կարեւոր ներդրում ունեցած է «Նոր Դար» ամսագրի հրապարակման եւ տարածման գործին առընթեր։
Նշենք նաեւ, որ ան դուստրն էր Հ․Յ․Դ․ հանրայայտ գործիչ եւ «Համազգային»-ի Ճեմարանի տնօրէն՝ Հրաչ Տասնապետեանի։ Թաղումը կատարուեցաւ Չորեքշաբթի, Յուլիս 17-ին։
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %