0
0
ՍՏԵՓԱՆԱԿԵՐՏ․- Երեքշաբթի, Սեպտեմբերի 27-ին, Արցախեան 44-օրեայ պատերազմի 2-րդ տարելիցին առթիւ հազարաւոր քաղաքացիներու մասնակցութեամբ տեղի ունեցաւ քայլերթ` ի յիշատակ Արցախեան երրորդ պատերազմում նահատակուած հերոսներու:
Մեկնարկը տրուեցաւ Սուրբ Յակոբ եկեղեցիի բակէն։ Խօսք առաւ հայ առաքելական եկեղեցու Արցախի թեմի փոխառաջնորդ Տէր Սահակ վարդապետ Շաքարեանը: Ապա մասնակիցները մէկ վայրկեան լռութեամբ յարգեցին զոհուածներու յիշատակն ու այնուհետեւ «տղերքը ո՛ղջ են», «միութի՛ւն, պայքա՛ր, յաղթանա՛կ» եւ այլ կոչերով շարունակեցին երթը դէպի Եղբայրական յուշահամալիր:
Երթին մասնակցեցան նախագահ Արայիկ Յարութիւնեանը, նախկին նախագահ Բակօ Սահակեանը, պետական նախարար Արտակ Բէգլարեանը եւ Ազգային ժողովի պատգամաւորները, կառավարութեան անդամներն ու հոգեւորները: Երթի ընթացքին մասնակիցները պարզեցին 44-օրեայ պատերազմին նահատակուած հերոսներու լուսանկարները:
Աւարտին, Եղբայրական յուշահամալիրին մէջ Արցախի թեմի փոխառաջնորդ Տէր Սահակ վարդապետ Շաքարեանի ձեռամբ տեղի ունեցաւ Արցախեան 44-օրեայ պատերազմին նուիրուած «լուսոյ խորան»-ի օրհնութեան կարգն ու 44-օրեայ պատերազմին նահատակուած հերոսներու հոգեհանգստեան կարգը:
