0
0
Հայաստան նշեց Հոկտեմբեր 27-ի ահաբեկչական արարքի 10-ամեակը: Երկրին բարձրագոյն ղեկավարութիւնը այցելեց Եռաբլուրի պանթէոն, ուր ծաղիկներ զետեղուեցան ոճրային արարքին զոհ գացած պետական գործիչներու շիրիմներուն: Նաեւ,Ազգային Ժողովի բակին մէջ տեղի ունեցաւ նաեւ ոճրային արարքի զոհերու յիշատակին նուիրուած յուշակոթողի բացման արարողութիւն, որուն ներկայ գտնուեցան Հայաստանի նախագահը, Ազգային ժողովի նախագահը, վարչապետը, Ամենայն հայոց կաթողիկոսը, նախարարներ, պատգամաւորներ, զոհերու հարազատներ եւ մտերիմներ: «Մեր նահատակներուն յիշատակը եւ մեր սերունդներուն ապագան կը պահանջեն ունենալ կայուն եւ ամուր պետականութիւն, հզօր եւ բարգաւաճող երկիր, ամբողջ հայութեան երազանքներուն օրրանը դարձած հայրենիք: Այսօր աւելի քան երբեք մեր ժողովուրդին միաբանութիւն պէտք է, մեր հաւաքական ինքնութիւնը պետական կեանքին հասու դարձնելու կարողութիւն պէտք է: Ասիկա է ապագայի մեր ճամբան», իր խօսքին մէջ ըսաւ Հայաստանի Ազգային ժողովի նախագահ Յովիկ Աբրահամեան:
Յուշակոթողին հեղինակը աշխարհահռչակ քանդակագործ Երուանդ Քոչարն է: Տաս տարիներ առաջ, վերոնշեալ թուականի առաւօտեան ժամը 11.20ին, ոճրագործութեան զոհ կը դառնային պետական գործիչներ՝ Կարէն Դեմիրճեանը, Վազգէն Սարգսեանը, Եուրի Բախշեանը, Ռուբէն Միրոյեանը, Միքայէլ Քոթանեանը, Արմենակ Արմենակեանը, Հենրիկ Աբրահամեանը, Լէոնարտ Պետրոսեանը: Նաեւ Սուրբ Էջմիածնի մէջ հոգեհանգստեան արարողութիւն տեղի ունեցաւ:
