0
0
Վերջերս, “Նիւ Եորք Թայմզ“ի մէջ հետաքրքրական յօդուած մը լոյս ընծայուած է աշխարհի լաւագոյն նախատիպ պատրաստող Տիգրան (Ռիչըրտ) Թնկրեանի մասին:
57 տարեկան Թնկրեան, որ ծնած է Հալէպ, փոքր տարիքէն փոխադրուած է Պէյրութ եւ մուտք գործած ճարտարապետական հաստատութիւն մը, ուր սկսած է պատրաստել շէնքերու եւ համալիրներու նախատիպեր: 1975-ին, հազիւ ներքին քաղաքցիական պատերազմը սկսած, ան ժամանած է Միացեալ Նահանգներ` Քուինզ (Նիւ Եորք), ուր բնակութիւն հաստատած է եւ շուտով շարունակած է իր նախասիրած արհեստն ու միեւնոյն ժամանակ, անոր կապակցութեամբ մասնագիտութիւնը: Թնկրեան այնքան մը բծախնդիր եւ վստահելի նախատիպ պատրաստող մըն է որ քանի մը տարի առաջ, իրեն վստահուած է պատրաստել Ուսամա Պըն Լատընի ապաստանած Ապոթապատի կալուածը:
“Միշտ ալ կը փափաքիմ ճարտարապետ ըլլալ եւ ոչ թէ նախատիպ պատրաստող…“ կը յայտնէ Թնկրեան, սակայն անոր նախատիպերը այնքան մը հռչակ սփռած են որ այդ բնագաւառէն ներս կը նկատուի թիւ մէկը:
Կարելի է կարդալ յօդուածը այցելելով “Նիւ Եորք Թայմզ“ի կայքէջ.-
http://www.nytimes.com/2014/02/23/realestate/a-translator-of-blueprints.html?_r=0#100000002719585
