ՆԻՒ ԵՈՐՔ․- Չորեքշաբթի, Փետրուար 14-ին, Ազգային Առաջնորդարանը մեկնարկը կատարեց Մեծ Պահքի յայտագրին, կազմակերպուած տեղւոյն Սուրբ Լուսաւորիչ Մայր Եկեղեցւոյ հետ։ Դասախօսութիւններու շարքը պիտի կեդրոնանայ մարդուժի վրայ, հետեւելով Ն.Ս.Օ.Տ.Տ. Արամ Ա. Վեհափառի կողմէ 2024 թուականի հռչակման իբրեւ “Մարդուժի Պատրաստութեան տարի”։
Հսկումի արարողութենէն ետք, Առաջնորդական փոխանորդ եւ Ռիճֆիլտի Սուրբ Վարդանանց եկեղեցւոյ (Նիւ Ճըրզի) հոգեւոր հովիւ՝ Գերպ. Տ. Սահակ Ծ. Վրդ. Եմիշեան, նիւթի ընդհանուր ներկայացումը կատարեց, ընդգծելով Վեհափառ Հայրապետի հռչակագրին գլխաւոր կէտերը։ Դասախօսութիւնը դիտելու համար, հաճեցէք սեղմել այստեղ։
Դասախօսութեան աւարտին կատարուեցաւ հիւրասիրութիւն։