ՌՈՊԸՐԹ ԱՐԱՄ ԳԱԼՈՒՍՏԵԱՆԻ ՀՐԱԺԵՇՏԸ

0 0
Read Time:1 Minute, 13 Second

Ազգային Վարչութեան Կրօնական ու Քաղաքական Ժողովները ցաւով իմացան, որ փաստաբան Ռոպըրթ Արամ Գալուստեան (Ծնած՝ Հոկտեմբեր 29, 1930-ին) իր մահկանացուն կնքեց Կիրակի, Մայիս 12-ին, 93 տարեկանին։

Հանգուցեալը ծնած է Ուոթըրթաուն (Մասաչուսէց)։ Զաւակն էր Փօլ եւ Կրէյս Գալուստեաններու։ 1952-ին վկայուած է «Քլարք» համալսարանէն։ Քորէայի պատերազմին մասնակցելէ ետք, 1957-ին իրաւագիտութեան դոկտորան ստացած է Պոսթընի համալսարանէն։ Ամուսնացած է Մարիան Գալուստեանի հետ եւ ունեցած՝ երեք զաւակ։

Իր մասնագիտական վաստակին կողքին, Գալուստեան երկարամեայ մասնակցութիւն բերած է ամերիկահայ կեանքին։ Հայաստանի Անկախութեան Ամերիկայի Կոմիտէի (հետագային՝ Ամերիկայի Հայ Դատի Յանձնախումբ) ատենապետ եղած է, անդամակցելով նաեւ Հ. Յ. Դաշնակցութեան Կեդրոնական Կոմիտէին։ Ատենապետ եղած է Ուոթըրթաունի Հայ Մշակութային եւ Կրթական Կեդրոնի շինարարութեան յանձնախումբին։ 1972-ին Ամերիկայի Հայկական Համագումարի հիմնադիրներէն եղած է (1972), եւերկար տասնամեակներ անոր ղեկավար մարմնին մաս կազմած։ 1997-2010-ին, Հայկական Համագումարին կից Հայկական Ազգային Հիմնարկի (Armenian National Institute) հոգաբարձութեան ատենապետը եղած է։ 2015-ին հրատարակած է «Դատեմ՝ հօրս գիւղը» անգլերէն հատորը, որ իր հօր եւ ընտանիքի ծննդավայրի մանրամասն պատմութիւնն է։

2002-ին, «Քլարք» համալսարանի արդի հայոց պատմութեան եւ Հայոց Ցեղասպանութեան ամպիոնի հիմնադրի՝ Գարըլայն Մուկարի խնդրանքով, ամպիոնը կոչուած է անոր ծնողներուն՝ Ստեփան եւ Մարիան Մուկարի, ինչպէս եւ Ռոպըրթ Արամ եւ Մարիան Գալուստեաններու անունով։

Ռոպըրթ Գալուստեան «Կիլիկիոյ իշխան»-ի շքանշանին արժանացած է Մեծի Տանն Կիլիկիոյ Կաթողիկոս Ն.Ս.Օ.Տ.Տ. Գարեգին Բ.ի (1980) կողմէ, ինչպէս եւ Հայաստանի Հանրապետութեան «Մխիթար Գօշ» մետալին՝ նախագահ Լեւոն Տէր Պետրոսեանի կողմէ։ Սուրգ Ստեփանոս (Ուոթըրթաուն, Մասաչուսէց) եկեղեցւոյ բարերար էր եւ Ազգային Առաջնորդարանի «Հիմնասիւն»երէն։

Յուղարկաւորութիւնը տեղի ունեցաւ Հինգշաբթի, Մայիսին, Սուրբ Ստեփանոս եկեղեցւոյ մէջ։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles