Հ․Յ․Դ․ Մամլոյ դիւանը կը հաղորդէ, որ Հինգշաբթի, Փետրուար 8-ին Մայր Աթոռ Սուրբ Էջմիածինի մէջ տեղի ունեցաւ հանդիպում Ամենայն հայոց Գարեգին Բ. կաթողիկոսի եւ Հ․Յ․Դ․ Բիւրոյի ներկայացուցիչ Յակոբ Տէր Խաչատուրեանի միջեւ:
Հանդիպման ընթացքին քննարկուեցան Հայաստանի ներկայ իրավիճակի, արցախեան հիմնախնդիրի, արցախահայութեան իրաւունքներու պաշտպանութեան, յատկապէս Արցախ հաւաքական վերադարձի հարցերը:
Տեղեկութիւններ փոխանակուեցան հայրենիքի մէջ եւ համաշխարհային մակարդակով Արցախի հարցի արդարացի լուծման կապակցութեամբ կատարուած աշխատանքներու եւ նախատեսուած համահայկական նախաձեռնութիւններու վերաբերեալ:
Շեշտուեցաւ արցախահայերուն մարդասիրական օժանդակութիւններ տրամադրելու եւ Հայաստանի պետականութեան հիմքերու ամրապնդման աշխատանքի շարունակութեան, ի խնդիր ազգային միասնականութեան զօրացման եւ առկայ մարտահրաւէրներու յաղթահարման` ազգային կառոյցներու միջեւ համագործակցութեան ընդլայնման եւ հայ ժողովուրդի կեանքին մէջ եկեղեցւոյ դերի խորացման կարեւորութիւնը: