Երաժշտագէտ Պետրոս Ալահայտոյեանի Հրաժեշտը

Read Time:25 Second

Հայ ժողովրդային երգեր հաւաքագրող եւ ազգագրական երգի ու երաժշտութեան մասնագէտ Պետրոս Ալահայտոյեան ոչ եւս է:

Ան մահացաւ անցեալ շաբաթավերջին Քալիֆորնիոյ մէջ, ուր կը բնակէր 1994-էն ի վեր:

Պետրոս Ալահայտոյեան ծնած էր Լիբանան, 1934-ին։ Ան շրջանաւարտ էր «Համազգային»-ի Նշան Փալանճեան ճեմարանէն:

Ան Պելճիքայի մէջ ստացած էր երաժշտագիտութեան մէջ մագիստրոսի վկայականը, իսկ 1985-1995 տարիներուն ճամբորդած էր հայաշատ երկիրներ՝ ազգագրական երգեր հաւաքելով։

Ան հրատարակած է երկու հատորներ՝ «Բալուի (Եւ Տարածաշրջանի) Երաժշտական Ազգագրական Հաւաքածոյ» եւ «Վան-Վասպուրականի Ազգագրական Բնորոշ Երգային Նմոյշներ»։