Սիրելի՛ հայրենակիցներ,

Ծանր վիճակում է հայրենիքը, ծանր վիճակում ենք բոլորս:

Այս իշխանութիւնը պատրաստ է Արցախը թողնել Ազրպէյճանի կազմում:

Այս իշխանութիւնը կատարում է թուրք-ազրպէյճանական բոլոր պահանջները:

Պարտուած ու անկարող գործող խմբակը միայն մէկ նպատակ ունի` երկարաձգել իր իշխանութիւնը:

Նրանք վտանգում են մեր պետականութիւնը, մեր ապագան, մեր կեանքը:

Ժողովրդի գլխին կախուած նոր սպառնալիքները մտնելու են իւրաքանչիւր տուն, իւրաքանչիւր ընտանիք:

Այս ընթացքը պէտք է կասեցնել:

Արցախի կողքին կանգնելով` պարտաւոր ենք փրկել մեր արժանապատուութիւնը, մեր հայրենիքը, մեր ապագան:

Մեզ բերել են մի սահմանի, որից այն կողմ ազգային անդառնալի նուաստացումն է եւ ինքնիշխանութեան կորուստը:

Յարգելի՛ հայրենակիցներ,

Ապրիլի 5-ին, ժամը 18.30-ին բոլորս միասին, անկախ մեր քաղաքական հայեացքներից եւ կուսակցական պատկանելիութիւնից հաւաքուենք «Ազատութեան» հրապարակում:

Դիմում ենք բոլորին, կուսակցութիւններին եւ անհատներին, մտաւորականութեանը եւ հասարակական կազմակերպութիւններին, հայաստանցիներին, արցախահայութեանը եւ սփիւռքին:

Կանգնենք կողք-կողքի, միասին ներկայացնենք մեր պահանջները:

Ապացուցենք, որ հայ մարդը կամք ու վճռականութիւն ունի:

Պաշտպանելով Արցախը` պաշտպանենք Հայաստանը: Պաշտպանենք մեզ եւ մեր երեխաներին:

Ապրիլի 5, 18:30, «Ազատութեան» հրապարակ:

ՀԱՅԱՍՏԱՆԻ ԱԶԳԱՅԻՆ ԺՈՂՈՎԻ «ՀԱՅԱՍՏԱՆ» ԽՄԲԱԿՑՈՒԹԻՒՆ
ՀԱՅԱՍՏԱՆԻ ԱԶԳԱՅԻՆ ԺՈՂՈՎԻ «ՊԱՏԻՒ ՈՒՆԵՄ» ԽՄԲԱԿՑՈՒԹԻՒՆ