0
0
Յուլիս 29-ին, Մեծի Տանն Կիլիկիոյ Արամ Ա. Կաթողիկոսը ընդունեց Արժպ. Տ. Մեսրոպ Քհն. Լագիսեանի՝ Սուրբ Լուսաւորիչ Մայր Եկեղեցւոյ հոգեւոր հովիւի այցելութիւնը, Պիքֆայայի Սուրբ Աստուածածի վանքի ամառանոցին մէջ։ Մայր Եկեղեցւոյ անունով եւ Թեմի բարեջան Առաջնորդ՝ Անուշաւան Արքեպիսկոպոս Դանիէլեանի օրհնութեամբ, Տէր Հայրը Վեհափառ Հայրապետին յանձնեց 10 հազար տոլարի նուիրատուութիւն մը «Թռչնոց Բոյն» որբանոցին եւ 5 հազար տոլարի նուիրատուութիւն մը Զարեհեան Դպրեվանքին՝ ի յիշատակ Մայր Եկեղեցւոյ երկարամեայ հոգեւոր հովիւ Արժպ. Տ. Մուշեղ Ա. Քհն. Տէր Գալուստեանի, որ վախճանած է Մայիս 24, 2019ին, Արեւելեան Թեմին 60-ամեայ ծառայութենէ ետք։ Նուիրատուութիւնը իրականացած էր Տէր Մուշեղ Աւագ Քահանայի ընտանիքի եւ ծխականներու զօրակցութեամբ։
Արժպ. Տ. Մեսրոպ Քհն. Լագիսեան նաեւ, յանուն հոգաբարձութեան, Արամ Ա. Վեհափառ Հայրապետին յանձնեց 10 հազար տոլարի նուիրատուութիւն մը Լիբանանի հայ համայնքի կարիքաւոր ընտանիքներու համար։
