ԱՆՁԱՅՆ ԲԱՂԱՁԱՅՆ

Read Time:23 Second

ՍԵՒԱՆ ԼԱԼԻՔՕՂԼՈՒ

Դեկտեմբեր 12, 2015

Բաղաձայն տառերուն համար միշտ յուզուած եմ
Առանց ձայնաւորի առանձին
Ոչինչ են եւ
Զանոնք կրնանք կոչել նաեւ անձայն:
Որչափ ալ ջանաս թէ
Մէկ հատը մինակ հնչես՝
Կարելի չէ:
Հնարէ՛անանկ ձայն մը որ
Մինակը հնչուի.
Ձեռքէդ կը յափշտակեն
Ան ալ ձայնաւոր կ’ըլլայ:
Անձայնութիւնը միշտ կորսուելու ենթակա՞յ է:
Կարգ մը մարդիկ անձայն կը մնան
Կարգ մը դէպքերու…
Դիմացի խորամանկը ինքզինք խելացի կը սեպէ
Բայց անձայնին, անձայնութեան մէջ փիլիսոփայութիւն մը կայ: