0
0
Իբրեւ Համազգային Հայ Կրթական եւ Մշակութային Միութեան ներկայացուցիչ եւ Եղեռնէն վերապրողներու ամերիկածին զաւակ կ’ուզեմ Ձեզ տեղեկացնել, որ սփիւռքահայութիւնը աւելի քան ութը տասնամեակներու ընթացքին, առանց վարանումի կամ յուսահատութեան Հայ Դատ հետապնդեց, որուն մաս կազմեցին ցեղասպանութեան միջազգային ճանաչումը եւ պատմական, բարոյական եւ Սեւրի դաշնագրով իրաւականօրէն ճանաչուած մեր հողային պահանջատիրութիւնը:
Մենք համաձայն ենք, որ Հայաստան դիւանագիտական յարաբերութիւններ ունենայ իր բոլոր հարեւան երկիրներուն հետ, առանց նախապայմանի: Սակայն, խորհրդաւոր պայմաններու տակ ներկայացուած Protocol-ները կը պարունակեն անընդունելի նախապայմաններ, որոնք
ա) Ցեղասպանութիւնը հարցականի տակ դնելն է՝ պատմաբաններու յանձնախումբի մը կազմութեամբ, որ պիտի օգտագործեն թուրքերը եւ
բ) Հայաստանին պարտադրուած ներկայ սահմաններու վերաբերեալ մեր վերջնական համաձայնութիւնը:
Թուրքիոյ բարձրաստիճան ներկայացուցիչներ անընդհատ Ատրպէյճանի հողային ամբողջականութիւնը կը պաշտպանեն, ճակատագրական, անսրբագրելի հետեւանքներ պիտի ունենան հայութեան եւ Հայաստանի համար, որ սոսկ սփիւռքահայեր են:
Պրն. Նախագահ, մենք ազգովին հետեւողականօրէն կը շարունակենք արդէն իսկ որոշ անժխտելի յաջողութիւններու հասած Հայ Դատի ի նպաստ աշխատանքները. չենք կրնար հրաժարիլ մեր ազգային անժամանցելի իրաւունքներէն, որոնց անտեսումը՝ թէպետեւ որոշ անձանց համար նիւթապէս շահաբեր կրնայ ըլլալ անկասկած, բայց երկար ժամանակի վրայ դիտուած միայն ողբերգական հետեւանքներ պիտի ունենայ Հայաստանի համար: Եթէ խնդրոյ առարկայ պայմանագիրը իր ներկայ ձեւով ստորագրուի, ինչպէ՞ս կը պատկերացնէք Հայ Դատի աշխատանքները:
Արդեօ՞ք պիտի կրկնուի ինչ որ պատահեցաւ վեց ամիսներ առաջ երբ Ձեզի դիմեցինք, որպէսզի Նախագահ Օպամայի հետ խօսիք եւ համոզէք, որ Ապրիլ 24ի առիթով գործածէ Ցեղասպանութիւն եզրը կամ բառը: Արդեօ՞ք այդպէս պիտի ընթանան Հայաստան-Սփիւռք քաղաքական փոխ-յարաբերութիւնները մանաւանդ այդ չարաբաստիկ պայմանագրի ստորագրումէն յետոյ:
ՏՈՔԹ. ԱՐԱ ԳԱԲՐԻԷԼԵԱՆ
