0
0
Նիւ Ճըրզիի Թենըֆլայ շրջանի Ամենայն Հայոց Առաքելական Սուրբ Թովմաս եկեղեցւոյ մշակութային յանձնախումբին եւ տեղւոյն “Համազգային“ի կազմակերպութեամբ, Կիրակի, Նոյեմբեր 3-ին, տեղի ունեցաւ ժապաւէնի ցուցադրութիւն: Արդարեւ ներկայութեամբ, բեմադրիչ Նիկոլ Պէզճեանի, ցուցադրուեցաւ “Կօշիկներս Պոլիս Մոռցայ“ ժապաւէնը: 
Քարէն Մեսրոպեան ներկայացուց բեմադրիչը, որ ժապաւէնին ցուցադրութենէն ետք, պատասխանեց ներկաներուն ուղղած հարցումներուն:
“Կօշիկներս Պոլիս Մոռցայ“ ժապաւէնին նիւթը, Պոլսոյ հայութիւնն է, որ ցայսօր գոյութիւն ունի, հակառակ անցեալի դաժան օրերուն:
Նախքան այս ժապաւէնին ցուցադրութիւնը, Նիւ Ճըրզիի “Համազգային“ի “Արեգակ“ երգչախումբը ներկայացուց փունջ մը երգեր` “Ես Իմ Անոյշ Հայաստանի“, “Հոյ Նազան“, “Երեւան“, եւայլն: 2004-էն ի վեր կը գործէ այս նուագախումբը, ղեկավարութեամբ, Վաղարշակ Օհանեանի:
Նշենք թէ Պէզճեանի այս ժապաւէնը, նաեւ Դանիէլ Վարուժանի նուիրուած, երեք ժամ տեւողութիւն ունեցող ժապաւէնը, ցուցադրուեցաւ նաեւ Պոսթընի մէջ:
