0
0
Հ.Յ.Դ. Երիտասարդական գրասենեակի ու “Արեւմտահայաստանի եւ Արեւմտահայութեան հարցերու ուսումնասիրութեան կեդրոն“-ի նախաձեռնութեամբ կազմակերպուած այցելութեան ընթացքին, Հայաստանէն, Արցախէն, Լիբանանէն, Միացեալ Նահանգներէն եւ Արժանթինէն 21 երիտասարդներ ուխտագնացութեան մեկնեցան Արեւմտեան Հայաստան: Անոնք գտնուեցան Տերսիմ, Էրզրում, Համշէն եւ այլ բնակավայրերու մէջ:
“Պէտք է հասկնալ, որ Արեւմտեան Հայաստան այցելութիւնը բնութիւնը, եկեղեցիները տեսնելը չէ, այլ մտերմանալը Ցեղասպանութենէն ետք հայկական այդ հողերուն մէջ այսօր ապրող հայերուն հետ, որոնք կրցած են գոյատեւել այդ պայմաններուն մէջ“, նշեց Երիտասարդական գրասենեակի պատասխանատու Սարգիս Մկրտչեան: Ուխտագնացութենէն տպաւորուած են նաեւ երիտասարդները: Ըստ անոնց, պատմական Հայաստանի մասին գիրքերուն մէջ կարդացած եւ ծնողներէն լսած պատմութիւնները էականօրէն տարբեր են իրականութենէն: Սարգիս Մկրտչեան նշեց, որ այս ծրագիրը մէկ բառով կարելի է կոչել հայրենաճանաչողական:
