0
0
Ամերիկայի Հայ Դատի յանձնախումբը կը հաղորդէ, որ Թուրքիոյ մէջ Միացեալ Նահանգներու դեսպանի թեկնածու Ֆրենսիս Ռիքարտոնէ, տեղի տալով ամերիկահայ համայնքի եւ կրօնական ղեկավարներու մտահոգութիւններուն, հրաժարած է Թուրքիոյ կողմէ քրիստոնէական եկեղեցիներու ոչնչացման առնչութեամբ իր կեղծ հիմնաւորումերէն:
“Ձեր թոյլտուութեամբ ես կարելիութենէն պիտի օգտուիմ` տուեալներու մէջ ճշդումներ կատարելու համար“, յայտնեց Ռիքարտոնէ իր պատասխանին մէջ` աւելցնելով, որ մինչեւ 1915 թուական, Թուրքիոյ մէջ գործած քրիստոնէական եկեղեցիներուն մեծ մասը իբրեւ եկեղեցիներ այլեւս չեն գործեր: “Թուրքիոյ մէջ քրիստոնէական համայնքի մօտիկ աղբիւրները կը յայտնեն, որ 1915-էն եւ զայն նախորդող ժամանակաշրջանէն յիշատակուող 200-250 եկեղեցի տարին առնուազն մէկ անգամ կրօնական պատարագներ կը կազմակերպեն: Բազմաթիւ եկեղեցիներու մէջ ամէն շաբաթ ժամերգութիւն տեղի չունենար` հոգեւորականներու եւ քրիստոնեայ բնակչութեան ոչ բաւարար քանակի պատճառով: Որոշ եկեղեցիներ իբրեւ թանգարաններ կը գործեն, միւսները մզկիթներու վերածուած են: Մէկ մասն ալ խարխլած է, կամ հաւանաբար ամբողջութեամբ ոչնչացած“, ըսաւ ան:
