0
0
ԵՐԵՒԱՆ.- Չորեքշաբթի, Յունիս 12-ին, «Տաւուշը յանուն հայրենիքի» շարժումը կազմակերպեց ժողովրդային հաւաք մը, տեղի ունեցաւ Ազգային ժողովի շէնքի մուքին: Շարժումի ղեկավար Բագրատ արք. Գալստանեան վարչապետ Նիկոլ Փաշինեանէն պահանջեց հանդիպիլ` քննարկելու անոր «խաղաղ եւ անցնցում ճամբով հեռացման» պայմանները: Այս մասին սրբազանը յայտարարեց հաւաքին ընթացքին, այն պահուն, երբ Ազգային ժողովին մէջ կառավարութեան հետ հարցուպատասխանի նիստ կ՛ընթանար:
«Այս կառավարութեան ղեկավարը իր իշխանութեան ամբողջ կազմով պէտք է հեռանայ: Այսօր այդ վճռականութեամբ պարտաւոր է հանդիպիլ եւ քննարկել իր խաղաղ, անցնցում հեռացման պայմանները», յայտնեց Բագրատ արքեպիսկոպոս:
Անոր համաձայն, վարչապետի հեռացումը պիտի կատարուի օրինական ճանապարհով, առանց բռնութեան` աւելցնելով, որ իրենք պիտի չպաշարեն խորհրդարանի շէնքը, բայց պէտք է արգելակեն Նիկոլ Փաշինեանի ելքը:
Հաւաքի ընթացքին բախումներ տեղի ունեցան ցուցարարներուն եւ ոստիկանութեան միջեւ: Ոստիկանութեան կիրարկած բռնութեան եւ խիստ միջոցներուն պատճառով բազմաթիւ ցուցարարներ մարմնական վնասուածքներ ստացան:
: Ազգային ժողովի նախագահ Ալեն Սիմոնեանը խորհրդարանին մէջ յայտարարեց, որ ոստիկանութիւնը արդարացիօրէն կիրարկած է լուսաձայնային նռնակներ: Իսկ վարչապետ Նիկոլ Փաշինեանը իր կարգին Ազգային ժողովին մէջ յայտարարեց, որ ոստիկանութիւնը խստիւ կ՛իրականացնէ օրէնքով իրեն վերապահուած գործառոյթները օրէնքի շրջանակներուն մէջ:
