0
0
Հ․Յ․Դ․ Հայաստանի Գերագոյն Մարմնի անդամ, Խաչատուր Աբովեանի անուան Հայկական Պետական Մանկավարժական Համալսարանի Համաշխարհային պատմութեան ամպիոնի վարիչ, փրոֆեսոր Խաչատուր Ստեփանեանի աշխատասիրութեամբ, յառաջաբանով եւ պետական համալսարանի պատմութեան եւ հասարակագիտութեան հիմնարկի խորհուրդին երաշխաւորութեամբ լոյս տեսաւ հայ ականաւոր պետական, կուսակցական գործիչ, երկրառազմավարական մտքի եզակի ներկայացուցիչ Ռուբէն Տէր Մինասեանի «Հայաստանը եւ աշխարհաքաղաքական իրավիճակը տարածաշրջանում» ծաւալուն հատորը:
Գիրքին մէջ ներկայացուած են մեծանուն գործիչին երկու կարեւոր ուսումնասիրութիւնները, որոնք իրենց բովանդակային ընկալմամբ մէկ ամբողջութիւն կը կազմեն: Հեղինակը մանրակրկիտ կը վերլուծէ տարածաշրջանին մէջ՝ Հայաստանի շուրջ տեղի ունեցող մեծ տէրութիւններու աշխարհակալական ձգտումներու անցած ուղին, արդի ժամանակաշրջանին անոնց ընթացքը եւ հնարաւոր զարգացումները:
