0
0
2-էն 4 Յուլիսին Երեւանում գումարուել է Հ.Յ.Դ. Հայաստանի 24-րդ Գերագոյն ժողովը: Ժողովը քննել է Հ.Յ.Դ. Հայաստանի Գերագոյն մարմնի 2019-2021 թուականների գործունէութիւնը, կատարել գնահատումներ: Ժողովի ընթացքում մանրակրկիտ քննարկուել են երկրում ստեղծուած քաղաքական, ընկերային-տնտեսական, բարոյահոգեբանական վիճակը եւ անվտանգութեան հարցերը: Հաստատուել են Հ.Յ.Դ. Հայաստանի կազմակերպութեան յառաջիկայ երկու տարիների գործունէութեան սկզբունքները, առաջնահերթութիւններն ու անելիքները: Քննարկումների արդիւնքում կայացուել են որոշումներ: Ընդունուել է Հ.Յ.Դ. Հայաստանի Գերագոյն ժողովի յայտարարութիւնը, որը կը հրապարակուի յառաջիկայ ժամերին:
Գերագոյն ժողովի աւարտին ընտրուել է Հ.Յ.Դ. Հայաստանի Գերագոյն մարմին` հետեւեալ կազմով.
Իշխան Սաղաթէլեան, Սիմոն Սիմոնեան, Լիլիթ Գալստեան, Արծուիկ Մինասեան, Միքայէլ Մանուկեան, Տարօն Տօնոյեան, Աշոտ Սիմոնեան, Յակոբ Մաթիլեան, Իկոր Սարգսեան, Արգիշտի Գէորգեան, Սուրէն Մանուկեան, Բագրատ Եսայեան, Պետրոս Մեղրեան:
Գերագոյն մարմնի անդրանիկ նիստում Հ.Յ.Դ. Հայաստանի Գերագոյն մարմնի ներկայացուցիչ է վերընտրուել Իշխան Սաղաթէլեանը:
Հ.Յ.Դ. ՀԱՅԱՍՏԱՆԻ ԳԵՐԱԳՈՅՆ ՄԱՐՄԻՆ
5 Յուլիս 2021
Երեւան
