0
0
Մեղրի Տէր Վարդանեան
Հ․Ե․Դ․ Պոսթընի «Նժդեհ» մասնաճիւղ
Մենք՝ հայերս, մարդասէր ծնած ենք։
Գիտենք իւրաքանչիւր էակի կեանքին իմաստը։
Մենք՝ հայերս, ծնած ենք կռուելու։
Երբ մեր հայրենիքը մեզ կը կանչէ, կը կռուինք նոյնիսկ մեր կեանքի գնով։
Մենք՝ հայերս, վերապրողներ ենք։
Սերունդէ սերունդ, ունեցած ենք նոյն պայքարը, գոյատեւելու եւ յառաջդիմելու, սկսած՝ մեր մեծ-մեծ հայրերէն, որոնք ճողոպրեցան ցեղասպանութենէն, մինչեւ մեր մեծ հայրերը, որոնք գաղթեցին հարաւային Ասիայէն եւ Միջերկրականէն։ Սկսած մեր ծնողներուն սերունդէն որ կ՚ապրէր աշխարհի մը մէջ հեռու Հայաստանէն, մինչեւ այսօրուան սերունդը, որ կ՚ընդհարի Արցախեան պատերազմի նոր իրականութեան։ Նախորդ սերունդներուն նման, մեր յարատեւումը մեծագոյն զէնքն է եւ մեր ինքնութեան կարեւոր մասը։
Մենք՝ հայեր, ծնած ենք վճռակամ։
Գիտենք, որ եթէ ոչ մենք, յաջորդ սերունդը անպայման կը տեսնէ ազատ, անկախ եւ միացեալ Հայաստանը։
Ահաւասիկ, կրկին մեր գոյութեան պայքարը կը մղենք։
Միացեալ հայերու երիտասարդութիւնը պատրաստ է պատասխան տալու։ Միացեալ հայերու երիտասարդութիւնը պատրաստ է ցոյց տալու այս պատերազմի յաղթական արդիւնքը։ Միացեալ հայերու երիտասարդութիւնը պատրաստ է գործածելու իր ամենազօրաւոր զէնքը՝ ձայնը։
Անցնող քանի մը շաբաթներու ընթացքին, հայ երիտասարդութիւնը կազմակերպած էր ցոյցեր, որոնք տակաւին կը շարունակուին։ Մենք, երիտասարդութիւնս, ընելիք ունինք։ Ջահը մեզի փոխանցուած է։ Մեր պարտականութիւնն է մարմնաւորել գոյատեւման եւ յեղափոխութեան բնազդային ոգին եւ կայուն մնալ մեր յանձնառութեան մէջ։ Պէտք չէ մոռնանք, որ մենք ժառանգորդներն ենք նախորդ յեղափոխութիւններու, որոնք կերտած են մեր ժողովուրդը եւ սահմանած են Հայաստանի ու Արցախի անզիջում նկարագիրը։
Մեզ բնաջնջելու թշնամիին ցանկութիւնը երբեք պիտի չշեղէ մեզ մեր գոյատեւելու կամքէն, եւ ազատ, անկախ եւ միացեալ Հայաստան ունենալու մեր նպատակէն։
Բոլո՛րս ալ, պէտք չէ մոռնանք որ պատերազմներ միշտ ալ ունեցած ենք, յաղթած, եւ տակաւին յաղթելու ենք։
