Աշխարհի Ամենաբարձր Երկու Խաչքարերու Կրկնօրինակները Պիտի Տեղադրուին Էջմիածին

Հայոց Ցեղասպանութեան հարիւրերոդ տարելիցին առիթով Մայր Աթոռ Սուրբ Էջմիածինի տարածքին մէջ պիտի տեղադրուին արեւմտեան Հայաստանի նշանաւոր երկու խաչաքարերու կրկնօրինակները: Խաչքարերու կրկնօրինակները կը քանդակէ Լութֆիկ Ղազարեանը: Իւրաքանչիւրը քսան ոտք (վեց մեթր) երկարութեամբ եւ 12-14 թոն կշռող խաչքարեր են:
Նշենք, որ Էրզրումէն ոչ շատ հեռու Ապարանք վանքային համալիրին մէջ տակաւին կանգուն են Սուրբ Յովհաննէս եկեղեցին (17-րդ դար) եւ Սուրբ Դաւիթ մատուռը, որոնց մօտակայքը կը գտնուին աշխարհի ամենաբարձր` աւելի քան քսան ոտք (վեց մեթր) բարձրութիւն ունեցող հրաշալի երկու խաչքարեր, որոնք յաջորդաբար քանդակուած են 1191 եւ 1194 թուականներուն։