0
0
Կիրակի, Հոկտեմբեր 18-ին, յաւարտ Սուրբ Պատարագին, Նիւ Եորքի Սուրբ Լուսաւորիչ Մայր Վարժարանի աշակերտները մասնակցեցան Սրբոց Թարգմանչաց տօնակատարութեան՝ Սուրբ Լուսաւորիչ Մայր Եկեղեցւոյ մէջ:
Հոգեւոր Հովիւ, Տ. Մեսրոպ քհնյ. Լագիսեան, խօսեցաւ Թարգմանչաց Տօնի մասին, ապա Տնօրէնուհի՝ Քրիստին Ռիկլհօֆֆ ներկայացուց օրուայ ծրագիրը եւ հրաւիրեց աշակերտները բեմ, որոնք հայերէն լեզուին նուիրուած խմբական արտասանութիւններով եւ երգերով ներշնչեցին եւ տպաւորեցին ներկաները:
Հանդիսութեան աւարտին, տեղի ունեցաւ հայերէն գիրքերու ցուցահանդէս, որու հասոյթը տրամադրուեցաւ Ս. Լուսաւորիչ Ամենօրեայ Վարժարանին:
Այս ձեռնարկի կազմակերպման իր մասնակցութիւնը բերած էր վարժարանի ծնողական յանձնախումբը:
Հովիւ եւ Հոգաբարձութիւն, գնահատեցին վարժարանի փոքրիկները նման բովանդակալից յայտագիր հրամցնելուն համար: Ապա՝ տեղի ունեցաւ հիւրասիրութիւն:
Թղթակից
