0
0
ԵՐԵՒԱՆ.- Բանակի օրուան առթիւ, Հայաստանի նախագահ Սերժ Սարգսեանի հրամանագիրով պետական բարձր պարգեւներու արժանացած են Արցախի եւ Ատրպէյճանի սահմանագիծին վրայ հետախուզական բնոյթի յարձակում կատարող հակառակորդ խումբերու ներթափանցման փորձը փոքրաթիւ ուժերով կասեցուցած եւ անոնց ետ մղած բանակայինները:
“Հայրենիքին մատուցած ծառայութիւնների համար“ առաջին աստիճանի մետալով պարգեւատրուած է նահատակ զինուոր Արմէն Լեւոնի Յովհաննիսեանը:
Անոնք պարգեւատրուած են հայրենիքի սահմաններու պաշտպանութեան իմաստով ցուցաբերած բացառիկ խիզախութեան եւ անձնական արիութեան, մասնագիտական բարձր պատրաստուածութեան, կեանքին սպառնացող վտանգը դիմակայելով ծառայողական պարտքը կատարելու ատեն ցուցաբերած անձնուիրութեան համար:
Յունուար 22-ին, հայրենի հողին յանձնուած էր Արմէն Յովհաննիսեանը: Հերոս զինուորին յուղարկաւորութիւնը կատարուեցաւ զինուորական կարգով` Արցախեան ազատամարտին ընթացքին զոհուած քաջերուն կողքին: Թաղման թափօրը ուղղուեցաւ “Եռաբլուր“ զինուորական պանթէոն, ուր հաւաքուած էին բազմաթիւ անձնաւորութիւններ` հրամանատարներ եւ քաղաքային պաշտօնեաներ` իրենց վերջին յարգանքը փոխանցելու:
