“ՀԱՅՐԵՆԻՔ“Ի 115-ԱՄԵԱԿԻ ՆՇՈՒՄ՝ ՊՈՍԹԸՆԻ ՄԷՋ

0 0
Read Time:2 Minute, 7 Second

Untitled-1

Կիրակի, Հոկտեմբեր 26-ին, Պոսթընի մէջ, մեծ շուքով նշուեցաւ
“Հայրենիք“ի 115-ամեակի ձեռնարկը, Աւօ եւ Քարմէն Պարմաքեաններու բնակարանէն (Ուալթհամ) ներս:
Ներկաներուն թիւը կը գերազանցէր 150-ը, որոնց կարգին զանազան միութիւններու եւ հիմնարկներու ներկայացուցիչներ:
Ա.Մ.Ն. Արեւելեան շրջանի Հ.Յ.Դ.-ի Կեդրոնական Կոմիտէի ներկայացուցիչներուն կողքին, նաեւ ներկայ էին այլ միութիւններու եւ հիմնարկներուն
երկայացուցիչներ:

_MG_4774_MG_4771_MG_4777_MG_4747Այս ձեռնարկը կազմակերպիչ յանձնախումբի անունով, խօսք առաւ Հէտըր Քրաֆեան, որ հոծ բազմութեան շնորհակալութիւն յայտնելէ ետք, բեմ հրաւիրեց օրուան հանդիսավար՝ Քրիսթի Ռենտալը:
Մեծ հետաքրքրքութիւն ստեղծած Ռենտալ, 1997-էն 2002 գործած է Հայաստանի մէջ, եւ ամէն տարի հետեւողականօրէն կը շարունակէ այցելել: Նաեւ,
ան լաւապէս կը տիրապետէ հայերէն լեզուին: Այժմ, Ռենտալ կը բնակի Սէնթ Փօլի մէջ, եւ ամսական դրութեամբ կ՛աշխատակցի “Արմինիըն Ուիքլի“ի հետ:
Իր կարգին, բարի գալուստ մաղթելէ ետք, Ռենտալ բեմ հրաւիրեց Ա.Մ.Ն. Արեւելեան շրջանի Հ.Յ.Դ.-ի Կեդրոնական Կոմիտէի օրուան ներկայացուցիչ՝ Անդրանիկ Գասպարեանը, որ բացատրեց այս օրուան հաւաքին միտք բանին, մանրամասնելով թէ, հակառակ տնտեսական դժուար պայմաններուն, “Հայրենիք“ կը շարունակէ գործել, շարունակ քայլ պահելով փոփոխութիւններուն հետ:
Ապա, Գասպարեան բեմ հրաւիրեց օրուան բանախօս՝ դոկտ. Ռիչըրտ Յովհաննէսեանը, որ յուշեր պատմեց “Հայրենիք“էն, յատկապէս քաղաքի կեդրոնէն ներս գտնուող նախկին կեդրոնէն՝ 212 Stuart Street: Յովհաննէսեան շեշտեց թէ “Հայրենիք“ թերթի կողքին, յատկապէս յիշատակելի էր քանի մը տասնեակ տարիներ հրատարակուած ամսագրերը, որոնք իրենց բովանդակութեամբ, ցայսօր մեծ կարեւորութիւն ունին եւ շարունակ զանազան
ուսումնասիրութիւններու աղբիւր կը հանդիսանան: _MG_4726_MG_4698
Ան կոչ ուղղեց ներկաներուն, որպէսզի շարունակեն իրենց թէ՛ բարոյական եւ թէ՛ նիւթական օժանդակութիւնը: Կարճ պատմականով մը, նաեւ ան ներակայցուց “Հայրենիք“ի անգլերէն բաժնի ծնունդը՝ “Արմինիըն Ուիքլի“ն, որ իր կարգին այս տարի կը տօնէ իր 80-ամեակը:
Ապա, Աւիկ Տէրենց արտասանեց “Հայրենիք“ին նուիրուած բանաստեղծութիւն մը: Բեմ հրաւիրուեցաւ Թոմ Վարդապետեանը, որ լրագրութեան մարզէն ներս, տարիներ շարունակ ծառայած է: Ան իր սրտին խօսքը փոխանցելէ ետք, այս յիշատակելի օրուան առթիւ, Միտըլսեքս շրջանի շէրիֆ՝ Փիթըր Գութուճեանի կողմէ, “Հայրենիք“ի 115-ամեակն ու “Արմինիըն Ուիքլի“ի 80-ամեակը նշող յատուկ յուշատախտակներ յանձնեց:
Ապա բեմ հրաւիրուեցան երկու թերթերուն խմբագիրները՝ Նանօր Պարսումեան (“Արմինիըն Ուիքլի“) եւ Զաւէն Թորիկեան (“Հայրենիք“), որոնք փոխանցեցին իրենց սրտին խօսքը:_MG_4732_MG_4765

Այս առթիւ, պարգեւատրուեցան տարիներ շարունակ ծառայած հետեւողական աշխատակիցներ՝ Կարիս Զերտէլեան (“Հայրենիք“), Մայքըլ Մենսոյեան (“Արմինիըն Ուիքլի“) եւ տոքթ. Հենրի Ասթարճեան (միասնաբար՝ “Հայրենիք“ եւ “Արմինիըն Ուիքլի“): Անոնք ստացան , Հրայր Բազէի լոյս ընծայած կոթողական ալպոմը՝ նուիրուած հայկական եկեղեցիներուն:

Նմանօրինակ պարգեւ մը, աւարտին յանձնուեցաւ հիւրընկալ Աւօ եւ Քարմէն Պարմաքեաններուն, որոնք ամենայն յօժարութեամբ, իրենց երդիքէն ներս ընդունած էին “Հայրենիք“ի բարեկամները: Այս առթիւ, յատուկ շնորհակալութիւն յայտնեց կազմակերպիչ յանձնախումբի անունով Անժէլ Մանուկեան:
Աւելի քան երեք ժամ տեւողութիւն ունեցող այս ձեռնարկի եզրափակման ընթացքին, կրկին խօսք առաւ Անդրանիկ Գասպարեան եւ անգամ մը եւս շնորհակալութիւն յայտնեց ներկաներուն, որոնք ձեռնարկի աւարտէն ետք, ոգեւորուած այս հաւաքէն, շարունակեցին իրենց զրոյցները:
Թղթակից
Լուսանկարներ՝ Թոմ Վարդապետեան

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles