Լուրեր Նիւ Եորքէն.- «ԶՈՒԼԱԼ»Ի ՀԱՄՈՅԹԸ

0 0
Read Time:1 Minute, 4 Second

thzulal

ՅԱԿՈԲ ՎԱՐԴԻՎԱՌԵԱՆ

Տօնական օրերուն հետ, նիւ եորքահայութեան հրամացուած հայկական ժողովրդական երգերով «Զուլալ» համոյթը ոգեւորեց ներկաները, հաստատելով որ մեր այլապէս հարուստ երգարուեստը տակաւին երկա~ր տարիներ պիտի կարենայ գոյատեւել այս ափերուն վրայ։ Երիտասարդ տաղանդաւոր այս ա քափփելլա թրիօի աղջիկները ամենայն բծախնդրութեամբ պատրաստած էին իրենց յայտագիրը։ Գերազանցապէս հայկական ջինջ երաժշտութիւն մը վայելելու հաճոյքը շնորհուեցաւ Ատլանտեանի այս ափին. ու այս արդէն բախտաւորութիւն մը պէտք ենք նկատել ինքնին, երբ դժբախտաբար, Խաղաղականի ափը տակաւ կը լեցուի հայկականութենէ որքաԲն հեռացած օտարամուտ երաժշտութիւն մը, այն ալ Հայաստանէն արտագաղթած հայերու կողմէ …։

Այս երեք շնորհալի երիտասարդ արուեստագիտուհիները` Թենի Աբելեան, Երազ Մարգարեան եւ Անայիս Թեքերեան 2002 թուականէն սկսեալ կ՚երգեն միասին։ Այս խումբը բարձրացած է Ամերիկայի զանազան յայտնի բեմահարթակներու վրայ, ինչպէս` «Կեթթի» թանգարանը, «Պըրքլի» երաժշտական դպրոցը, Գարնըկի Հօլի «Ուէյլ» համերգասրահը, «Քենետի» Կեդրոն, Նիւ Եորքի «Սիմֆընի Սփէյս», «Սիրք տը Սոլէյ»ի «մետաքսեայ ճամբու» յայտագրին։

Վերջապէս այս Նիւ Եորք կոչուած անտառին մէջ զուլալ հայկական երաժշտութիւն մը ունկնդրելու պարգեւն է որ կու տան այս տաղանդաւոր մեր աղջիկները։

Դեկտեմբեր 14, 2014ին, կազմակերպութեամբ Ամերիկայի Հայոց Առաջնորդարանին, Նիւ Եորքի Գավուքճեան սրահին մէջ հոծ բազմութիւն մը ներկայ էր այս յայտագրին։ Հայրական ողջոյնի խօսք յղած էր Առաջնորդ Խաժակ Արք. Պարսամեան։

Յայտագրին վրայ կային Սասունի, Վան-Վասպուրականի, Ապարանի,
Շիրակի, Շատախի, Մոկաց աշխարհի, Մուշի, Բալուի ժողովրդական երգերէն բացի Կոմիտաս, եւ Աշուղ Աշոտի, Թաթուլ Ալթունեանի, Արմէն Մովսիսեանի Յարութիւնեանի ստեղծագործութիւններէն ու երաժշտական պատշաճեցումներէն բաժիններ։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles