ՊԵՐԼԻՆ.- Հինգշաբթի, Փետրուար 29-ին, Հայաստանի եւ Ատրպէյճանի արտաքին գործոց նախարարները աւարտեցին իրենց երկօրեայ բանակցութիւնները:
Միրզոյեանն ու Պայրամովը Գերմանիոյ մայրաքաղաքին մէջ բանակցած են հիմնականին մէջ առանց երրորդ կողմի միջնորդութեան: Չորեքշաբթի կէսօրին անոնց միացաւ Գերմանիոյ արտաքին գործոց նախարար Անալենա Պերպոք, որ գովաբանած է Պաքուն եւ Երեւանը «խիզախ եւ միեւնոյն ժամանակ դժուարին ճանապարհով դէպի խաղաղութեան համաձայնագիր ուղին բռնելու համար»:
Երեւանը հայ-Ատրպէյճանական խաղաղութեան համաձայնագիրի ստորագրման ուղղութեամբ որեւէ լուրջ յառաջընթացի չ՛ակնարկեր:
Միրզոյեանն ու Պայրամովը դէմ առ դէմ բանակցեցան աւելի քան ութ ամսուան դադարէ ետք. նախքան այդ Պաքուն պոյքոթի կ՛ենթարկէր արեւմտեան բոլոր հարթակները:
