1
0
Շաբաթ, Նոյեմբեր 12-ին, Հ․Յ․Դ․ ներկայացուցիչ Յակոբ Տէր Խաչատուրեան այցելեց Շուէտ եւ տեղւոյն կոմիտէութեան եւ Հայ դատի յանձնախումբին կազմակերպութեամբ տեղի ունեցան շարք մը քաղաքական հանդիպումներ, յատկապէս Ընկերվար-Ժողովրդավար կուսակցութեան երեսփոխաններու եւ քաղաքական ներկայացուցիչներու հետ:
Այս կապակցութեամբ շաբաթ առաւոտեան տեղի ունեցաւ հանդիպում մը Սթոքհոլմի քաղաքապետարանին ներս՝ փոխ քաղաքապետ Անտրէս Օսթերպերկի եւ խորհրդարնի պատգամաւոր Մաթիաս Վեպսոյի հետ: Հանդիպման ներկայ էին Հիւսիսեան կոմիտէութեան ներկայացուցիչ Սիմոն Տէր Սահակեան, Հայ դատի յանձնախումբի ատենապետ Արամ Եանիքեան եւ Շահէ Խաչերեան:
Ապա հանդիպում մը տեղի ունեցաւ խորհրդարանի արտաքին յարաբերութիւններու յանձնախումբի փոխնախագահ, նախկին արդարադատութեան նախարար՝ պրն. Մօրգեն Ջոհանսսօնի հետ: Իսկ կեսօրէ ետք հանդիպում մը տեղի ունեցաւ Սէօտըրթալիէ քաղաքի քաղաքապետարնին մէջ՝ քաղաքապետ Պոել Կոտնըրի հետ:
Հանդիպումներու ընթացքին յատկապէս քննարկուեցաւ երկու քոյր կուսակցութիւններու փոխյարաբերութիւնները եւ զանոնք ընդլայնելու հնարաւորութիւնները:
Բիւրոյի ներկայացուցիչը մանրամասն ներկայացուց Հայաստանի ներկայ քաղաքական վիճակը, ինչպէս նաեւ տարածաշրջանային բարդ իրավիճակը, Հայաստանին առջեւ ծառացած մարտահրաւէրներն ու խնդիրները, զանոնք լուծելու միջոցները:
Յակոբ Տէր Խաչատուրեան յատկապէս խնդրեց, որ Շուէտի բարեկամները քաջալերեն ու բարձր մակարդակի հասցնեն Հայաստան-Շուետ փոխյարաբերութիւնները:
Այդ առումով կարելի է դէպի Հայաստան գործնական այցելութիւն մը կազմակերպել, որպէսզի հնարաւոր դառնայ գետնի վրայ ծանօթանալ տիրող կացութեան եւ ապահովել լուծման յարմարագոյն միջոցները:
Խօսուեցաւ նաեւ Սթոքհոլմ եւ Սէօտըրթալիէ քաղաքներու հայկական քաղաքներու հետ եղբայրացման հնարաւոր միջոցներու մասին:
Պատերազմի հետեւանքներու վերացման եւ այդ առումով թշնամական պետութիւններու բանեցուցած ճնշումներու կասեցման ի խնդիր միջոցներ ձեռնարկել դատապարտելով Ատրպէյճանի զաւթողական քաղաքականութիւնը ուղուած մեր ազգի ու երկրի հանդէպ, ամէն ճիգ ի գործ դնել ճանչնալու Արցախի ինքնորոշման իրաւունքն ու այնտեղ բնակող մեր ժողովուրդի արդար իրաւունքները:
Մարտահրաւէրներու շարքին նշուեցաւ նաեւ Հայաստանի ու Ատրպէյճանի միջեւ սահմաններու սահմանազատման ու սահմանագծման խնդիրը, ինչպէս նաեւ Հայաստան-Թուրքիա բանակցութիւններու կծիկը:
