Յարութիւն Արթօ Շահրիկի Յիշատակին

Անահիտ Շահրիկ (եւ զաւակը՝ Տիրան)եւ տոքթ. Լիլիան Մարուխեան (եւ զաւակունք՝ Շանթ, Սանան եւ Սարին) կը գուժեն մահը իրենց հօր՝ Յարութիւն Արթօ Շահրիկի, որ պատահեցաւ Յունիս 20-ին: Ծնած՝ Յունիս 22, 1923-ին Պոլսոյ մէջ, Արթօ երկու օրէն պիտի նշէր իր 98-րդ տարեդարձը:
Ան կրտսեր զաւակն էր Բարսեղի (Շապին Քարահիսար) եւ Ազնիւի (Ֆերմանեան, Թոքաթ):
Ուսանելու յատուկ սէր ունէր եւ հետաքրքրուած էր թէ գիտական-բժշկական եւ թէ ընկերային հարցերով:
Յիսունականներու սկիզբներն իսկ, ան մուտք գործեց Պոլսոյ համալսարանի ատամնաբուժական բաժանմունք եւ 1956-ին ժամանեց Պոսթըն եւ մասնագիտացաւ Forsyth Pediatric Dental Clinic հիմնարկէն ներս:
Ընտանիք կազմեց Նինա Օհանեանի հետ, որուն ծանօթացաւ տեղւոյն պարախումբի հետ փորձերու ընթացքին: Ան միշտ ալ ներկայ էր գաղութի ձեռնարկներուն:
Լեքսինկթըն հաստատուած, ան անձնական դարմանատան տէր եղաւ Պելմոնթի շրջանէն ներս, ուր գործեց մինչեւ 80 տարեկան:
Հաճելի զրուցող եւ կատակասէր էր Արթօն, որ պահեց իր եռանդը, հակառակ 1998-ին կորսնցնելուն իր կողակիցը՝ քաղցկեղի արդիւնք:
Արթօն մահացաւ խոր ծերութեան մէջ: Թաղումը  կատարուեցաւ Ուաթըրթաունի Սուրբ Ստեփանոս եկեղեցւոյ մէջ, Հինգշաբթի Յունիս 24-ին:
Փոխան ծաղկեպսակի, նուիրատուութիւններ կատարել.-
Saint Stephen՚s Armenian Church or Armenian Relief Society, Inc – Artsakh Fund, 80 Bigelow Avenue, Watertown, MA 02472, or Cure Alzheimer՚s Fund at curealz.org/giving/donate/