0
0
ՆՈՐԹ ԷՆՏՈՎԸՐ (Մասաչուսէց).- Հ.Մ.Ը.Մ.-ի Արեւելեան Ա.Մ.Ն.-ի Շրջանային Վարչութիւնը, հաղորդագրութեամբ մը կը տեղեկացնէ թէ, հիմնուած է Մերիմէք Հովիտի միաւորը: Այս առթիւ, Կիրակի Մայիս 7ին, Նորթ Էնտովըրի Սուրբ Գրիգոր Լուսաւորիչ եկեղեցւոյ սրահին ներքեւ կատարուեցաւ անդրանիկ հանդիպում-հաւաքը:
Արեւելեան Ա.Մ.Ն.-ի Շրջանային Վարչութեան անդամներ՝ Ռազմիկ Փանոսեան (փոխ ատենապետ) եւ Վիգէն Խաչատուրեան (գանձապահ) ներկայ եղան այս հանդիպումին, բարի գալուստ մաղթելով նոր միաւորի անդամներուն եւ յակիրճ կերպով փոխանցումներ կատարեցին, տրամադրելով Հ.Մ.Ը.Մ.-ի ծրագիր-կանոնագիրն ու դրօշը:
Հ.Մ.Ը.Մ. Մերիմէք Հովիտի վարչութեան անդամներն են.- Կրէկ Մինասեան, Մկօ Գասապեան եւ Մաթ Փիթըրզ: Յառաջիկայ Նաւասարդեան խաղերուն, Յուլիս 1-էն 4, Հ.Մ.Ը.Մ. Մերիմէք Հովիտի միաւորը պիտի բերէ իր մասնակցութիւնը:
