0
0
Հոկտեմբեր 9-ին, Հ.Յ.Դաշնակցութեան Հայաստանի Գերագոյն Մարմնի կազմակերպութեամբ, Երեւանի մէջ տեղի ունեցաւ բողոքի ցոյց£ Արդարեւ, աւելի քան յիսուն հազար ցուցարարներ, Հանրապետութեան հրապարակէն ուղղուեցան դէպի Ծիծեռնակաբերդ, ուր կատարուեցաւ հանրահաւաք£ Բողոքի երթի կարգախօսներն էին՝ «Ո’չ թրքական նախապայմաններին», «Ո’չ մի զիջում Թուրքիոյ», «Հայոց ոգին չի նահանջելու», «Արցախը Հայաստան է եւ վե’րջ»: Խօսք առին զանազան կուսակցութիւններու,միութիւններու եւ հիմնարկներու ներկայացուցիչներ:
«Հանրապետութեան հրապարակը խորհրդանշում է անկախութիւնը, Ծիծեռնակաբերդը՝ մեր յիշողութիունը, իսկ միակամութիւնը երաշխիքն է մեր ապագայի: Կանգնե՜նք կողք կողքի եւ միասնաբար ո՜չ ասենք թուրքական նախապայմաններին, ապացուցենք, որ մենք արժանապատւութիւն եւ ապագայ ունեցող ժողովուրդ ենք…» գրուած էր Հ.Յ.Դաշնակցութեան կոչին մէջ:
