0
0
“Շիքակօ Թրիպիւն“ օրաթերթը, կը տեղեկացնէ թէ, Շիքակոյի մէջ 107 տարեկանին իր մահկանացուն կնքած Հայոց Ցեղասպանութիւնէն ճողոպրած` Հելէն Պալոյեանը: “Շիքակօ ապրող հարիւրամեայ Հելէն Պալոյեանին` հայկական ջարդերու վերջին վերապրողին, յարգանքի տուրք մատուցած են“ խորագրով գրութեան մէջ ներկայացուած է Հելէն Պալոյեանի կեանքը` նշելով, որ ան իր մականունը փոխած էր եւ կը կրէր Խերդեան մականունը: “Որբացած երեխան` Պալոյեանը, (ապա Հելէն Խերդեան), կը թափառէր փողոցներով` փնտռելով բնակելու վայր մը եւ ուտելիք: Ան Օսմանեան կայսրութեան զինուորներու կողմէ իր գիւղին վրայ յարձակման ականատեսը եղած է. նախքան զանգուածային սպանութիւնները, որ շատ մը պատմաբաններ կ՛անուանեն Հայոց Ցեղասպանութիւն, Օսմանեան զինուորները տեղահանանած են տեղացիները“, կը գրէ “Շիքակօ Թրիպիւն“ը:
Ըստ Պալոյեան ընտանիքին` Հելէն ծնած է 1906ին եւ ան չէր յիշեր, թէ ինչպէս իր ծնողները մահացած են: Սպանդի ժամանակ անոր երկու եղբայրները աքսորուած են ու անոր երրորդ եղբայրը ապաստանած է Ամերիկայի Միացեալ Նահանգներ: Հետագային ան հանդիպած է իր երրորդ եղբօր, սակայն ոչ մէկ տեղեկութիւն չէ կրցած ունենալ միւս երկու եղբայրներուն մասին: Առանձին մնալով` Հելէն ապրած է փողոցները, երբ կին մը զայն տարած է որբանոց, ուր ան մնացած է մինչեւ Համաշխարհային Պատերազմի աւարտը: Պատերազմի աւարտէն ետք որբանոցը կը տեղափոխուի Սուրիա եւ Լիբանան:
Հելէնի Յունաստան ապրող զարմիկը` Յակոբ Հարտին, գտած է զայն պատահաբար: Անոնք մեկնած են Քուպա, ուր Շիքակոյի մէջ բնակութիւն հաստատած հայ մը կը համաձայնի ամուսնանալ Հելէնի հետ, որպէսզի ան կարենայ մուտք գործել Միացեալ Նահանգներ:
