0
0
Լուսանկարները` հեղինակի
ՌՈՊԵՐԹ ԿԱՐԱՊԵՏԵԱՆ
Նիւ Եորք
Տիգրան Դումանեանը ծնուել է Երեւանում` 1990 թուականին: Երաժշտական սկզբնական կրթութիւնը ստացել է Երեւանի Շարլ Ազնաւուրի անուան երաժշտական դպրոցում` աշակերտելով ճանաչուած մանկավարժ Էրնա Այվազովային: Դեռ Երեւանում ուսանելու տարիներին Տիգրանը յաճախակի ելոյթներ է ունեցել տարբեր բեմահարթակներում: 2004-ին Դումանեանների ընտանիքը մշտական բնակութիւն է հաստատում Նիւ Եորքում: Նոյն թուականից էլ պատանի Տիգրանը իր երաժշտական ուսումը շարունակում եւ աւարտում է “Frank & Camille’s Musik School“ը: Նրա առաջին ելոյթներից կարելի է համարել Նիւ Եորքի “Հայ տաղանդաւոր երեխաները“ շարքի` 2008-ի “Carnegie Hall“-ում կազմակերպուած համերգը, որտեղ նա կատարեց Արամ Խաչատուրեանի “Toccata“ն, արժանանալով հանդիսականի բարձր գնահատականին:
Օրերս` Հոկտեմբերի 13-ին Տիգրան Դումանեանը մենահամերգով հանդէս եկաւ Սրբոց Նահատակաց Հայաստանեայց եկեղեցւոյ “Գալուստեան“ սրահում, որի կատարմամբ հնչեցին` Շոփէնի, Մոցարթի, Շուպերթի, Պեթհովենի, ինչպէս նաեւ հայ յօրինողներ` Արամ Խաչատուրեանի եւ Առնօ Պապաճանեանի ստեղծագործութիւնները:
Համերգի վերջում երիտասարդ դաշնակահարին շնորհաւորեց եւ նրան ստեղծագործական յաջողութիւններ մաղթեց եկեղեցուոյ հոգեւոր հովիվ Տ. Աբրահան քահանայ Մալխասեանը:
Այժմ Տիգրան Դումանեանը մեծ եռանդով նոր ծրագիր է պատրաստում` մենահամերգով ելոյթ ունենալու Նիւ Եորքի հանրահայտ “Carnegie Hall“-ում:
