ՏԵՐԵՒԱԹԱՓ.- ՄԱՄՈՒԼԻ ԱՐՏԱԿԱՐԳ ԼՈՒՍԱՒՈՐ ԴԷՄՔ ՄԸՆ ԷՐ ՀԷՐԻ ԳՈՒՆՏԱՔՃԵԱՆԸ

0 0
Read Time:2 Minute, 29 Second

P15 harry2  Յ. ՊԱԼԵԱՆ Ապրիլ 22ին, Լոս Անճելըս, համակարգիչիս առջեւ նստած՝ չկարդացուելու սարսափով, հայերէնով մտորումներս կը գրէի: Անցեալին կÿըսէինք՝ թուղթին կը յանձնէի: Հեռաձայնով գուժեցին Հէրիի մահը: Հէրին դիտելուտեսնելու արտակարգ “ուշիմութեամբ“ օժտուած էր: Դէպքեր եւ ժամանակ կը բռնէր իր աչքոսպնեակով: Հաւանօրէն Հէրին ՄիջինԱրեւելքի մամուլի իսկական առաջին լուսանկարիչն էր: Ան իր կաղնիի յաղթ հասակով եւ վիզէն կախուած լուսանկարչական սարքով ներկայ էր ամէն տեղ, ուր հայութիւն կը բաբախէր. ապրիլեան ցոյցեր, հայկական թերթերու դէմ բացուած դատավարութիւններ, կաթողիկոսական օծում, հայ երիտասարդներու հրթիռ հնարելուարձակելու գիտական նուաճումներ, նաեւ “Բագին“ գրական հանդէսի ընթերցման հանդիպումներ: Հայկական շրջանակներու մէջ իր ներկայութիւնը սիրոյ գործ էր:P15harrykoundakjianbeiruthu Հէրին գիտցաւ հորիզոններ նուաճել, Լիբանանէն դուրս նաեւ, Պանկլատէշ եւ Քէնիա, ողողումներ եւ թագուհիի այցելութիւն, Արեւմտահայաստանի (այժմ Թուրքիոյ սահմաններէն ներս) երկրաշարժ: Կÿըսեն թէ Արարատը “միւս կողմէն“ դիտուած գեղեցիկ չէ: Հէրիին ոսպնեակով Արարատը պահած էր նոյն վեհապանծ աստուածաշնչական գեղեցկութիւնը եւ երազ թելադրող պատկերը, դիտուած Արեւմտահայաստանէն, քանի որ Հէրիի աչքը ապրում ունեցող հայու կրակ ունէր: Մամուլի լուսանկարիչին աշխարհը մեծ է եւ արկածախնդրական, մանաւանդ երբ կը գտնուի “կրակի գիծ“ի վրայ կամ աղէտի շրջաններուն մէջ: Հէրին Պանկլատէշ գացած էր այդ երկրին մէջ տեղի ունեցած ողողումներուն առիթով: Նկարելու պահուն ուղղաթիռէն ինկած էր եւ անվնաս դուրս եկած էր արկածախնդրութենէն: Անգլիոյ թագուհիին Քէնիա այցելութեան առիթով հոն գտնուած էր, նկարելու համար, պատշգամ մը բարձրացած էր եւ պատշգամը փուլ եկած էր Հէրին հայկական մամուլին կը գործակցէր, անխտի՛ր, օժանդակելու համար, ինչպէս սովորութիւն է ըսել՝ հայրենասիրութեամբ: Ինք միջազգային մամլոյ գործակալութեան, Associated Pressի աշխատակից էր: P15 Ցեղասպանութեան եւ հայրենահանման յիսնամեակի ձեռնարկներու ընթացքին, տեւաբար ներկայ էր Հէրին: Իր ծանօթութիւններով ան կարելի դարձուց օտար լրագրողներու եւ միջազգային լրատու գործակալութիւններու հետ կապերու հաստատումը: Այն օրերուն ներկայի համացանցային դիւրութիւնները չկային: Հայկական թերթերու դէմ Թուրքիոյ կողմէ յարուցուած դատավարութեան եւ վճիռին լուրը միասին խմբագրեցինք, եւ լուսանկարները, իր գործակալութեան միջոցով, կարելի եղաւ անմիջապէս հասցնել աշխարհի հեռու եւ մօտ տեղերը, “ռատիօֆոթօ“ով, քանի որ գործակալութիւնը ամէնուրեք գրասենեակներ ունէր: Հպարտ էր, երբ շատ կարճ ժամանակ ետք իմացուցին, որ ստացած էին լուրը: Պէյրութ, երբ Համազգայինը կը կազմակերպէր երաժշտական եւ գեղանկարչական հանդիսութիւններ, Հէրին օտար մամուլին մէջ արձագանգելու անփոխարինելի օղակ էր: Երբ “Վասպուրական“ վերանորոգուած սրահին մէջ տեղի ունեցաւ Րաֆֆի Արզումանեանի նուագահանդէսը, տեղւոյն Jeunesses Musicalesի համագործակցութեամբ, նոյն օրն իսկ, իր միջոցաւ թերթերը արձագանգեցին: Նոյն սրահին մէջ, նկարչական ցուցահանդէսին առիթով, Հէրին համալիբանանեան արձագանգ ապահովեց: Մամուլի շրջանակներուն մէջ սիրուած անձ էր, ոչ ոք զինք կրնար մերժել, քանի որ ինք սրտբացութեամբ կը գործակցէր բոլորին հետ:P15B Վերջին տասնամեակներուն Հէրին պաշտօնով հաստատուած էր Նիւ Եորք, կÿաշխատէր լրատու գործակալութեան կեդրոնական գրասենեակը: Հոնկէ նաեւ, հայկական մամուլին կը բերէր իր անսակարկ աջակցութիւնը: Քանի մը ամիս առաջ, Պէյրութ, Virgin վաճառատունէն գնեցինք Հայկազեան համալսարանի (երբ ան դեռ քոլէճ էր) ուսուցիչներու եւ ուսանողութեան հրթիռ պատրաստելուարձակելու մասին պատրաստուած ժապաւէնի խտասալիկը: Ժապաւէնին մէջ էր Հէրին, իր խանդավառութեամբ եւ կեանքով լի երիտասարդութեամբ: Հաւանօրէն ուրիշներ յաւելեալ մանրամասնութիւններով պիտի անդրադառնան Հէրիի կեանքին եւ գործին: Այս տողերը լաւ ընկերոջ մը մասին սրտի վկայութիւն են, եւ կÿուզեմ, որ իր հայկականութեան զօրավիգ կեանքի ընկերուհին՝ Այտան, այդպէս ալ կարդայ այս տողերը, գիտնալու համար որ յուզումով կը բաժնենք Հէրիի անհետացման ցաւը: Նման պարագաներու միշտ կը յիշեմ Ռուբէնի խօսքը, որ կÿըսէ թէ Արտամէտի խնձորին համը ուրիշ է, նոյնիսկ երբ անոր մէջ որդ ինկած ըլլայ, ան հայ եւ միջազգային մամուլի Արտամէտի խնձորն էր:…

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles