Տեղի Ունեցաւ «Համահայկական Երիտասարդական Դիմադրութիւն» Շարժման Առցանց Հաւաքը

0 0
Read Time:52 Second

ԵՐԵՒԱՆ․- Հ.Յ.Դ. Բիւրոյի երիտասարդական գրասենեակը կը հաղորդէ, որ Յունուար 16-ին տեղի ունեցաւ «Համահայկական Երիտասարդական դիմադրութիւն» շարժման առցանց ընդհանուր հաւաքը, որուն մասնակցեցան քսան երկիրներէ շարժումին միացած եօթանասունէ աւելի երիտասարդական կազմակերպութիւններ՝ շուրջ 115 ներկայացուցիչներով։ Անոնք տարբեր ոլորտներու մէջ գործող (քաղաքական, եկեղեցական, կրթամշակութային, բարեսիրական, մարզական, ուսանողական…) եւ տարբեր հայեացքներ ունեցող կազմակերպութիւններ են, որ համախմբուած են շարժման տեսլականին, նպատակներուն եւ օրակարգին շուրջ։

Հանդիպման բանախօսն էր՝ Տաւուշի մարզի Թեմի Առաջնորդ Գերաշնորհ Բագրատ Եպիսկոպոս Գալստանեանը։ Ան կարեւորելով արտաքին թշնամիին հանդէպ վրէժի ոգիով առաջնորդուիլը եւ ազգային արժանապատուութեան վերականգնումը՝ հրամայական համարեց պատերազմի վախէն ձերբազատուիլը, ինչպէս նաեւ հայ երիտասարդութեան գաղափարականացումը, որոնց արդիւնքով պիտի յառաջանայ համատարած ժողովրդական պոռթկումը։

Հ․Յ․Դ․ Բիւրոյի երիտասարդական գրասենեակի ներկայացուցիչ՝ Արշակ Մեսրոպեան ներկայացուց դիմադրութեան շարժման պայքարի 5 հիմնական ուղղութիւններն ու յառաջիկայ աշխատանքները, որ պիտի իրականացուին։ Յառաջիկայ քայլերուն մասին տեղի ունեցաւ միտքերու փոխանակում: Շեշտը դրուեցաւ աշխատանքները Արցախի եւ Սիւնիքի մէջ կեդրոնացնելու եւ սփիւռքեան համայնքներու երիտասարդութիւնը դիմադրութեան գաղափարին շուրջ կազմակերպելու վրայ։ Հայ երիտասարդութիւնը չի հանդուրժեր եւ չէ համակերպուած այսօրուան իրականութեան հետ։ Համահայկական երիտասարդական Դիմադրութեան ցանցը օրէօր կ՚ընդլայնի, եւ իր ամբողջ կարողականութիւնն ու ներուժը պիտի կեդրոնացնէ ճշդելու այս իրավիճակը։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles