Պրազիլի Մէջ Հայաստանի Դեսպանութեան Շէնքի Հիմնարկէք

0 0
Read Time:1 Minute, 28 Second

brasil-armenia

ՊՐԱԶԻԼԻԱ.- Աշխատանքային այցով Պրազիլ ժամանած Հ.Հ. նախագահ Սերժ Սարգսեան, մասնակցեցաւզիլի Դաշնային Հանրապետութեան մէջ Հայաստանի Հանրապետութեան դեսպանութեան շէնքի հիմնարկէքի արարողութեան: Ներկայ էին նաեւ, տեղւոյն արտաքին յարաբերութիւններու նախարար Ժոզէ Սերան,հաւատարմագրուած դեսպաններ, բարձրաստիճան դիւանագէտներ եւ հայկական համայնքի ներկայացուցիչներ: Հայաստանի դեսպանութեան յատկացուած տարածքը կը կազմէ 15.750 քառակուսի մեթր:
Համաձայն Մայիս 10-ին Պրազիլի մէջ Հ.Հ. դեսպան Աշոտ Գալոյեանի եւ Սան Փաուլոյի մէջ Հայաստանի պատուոյ հիւպատոս, համայնքային ակնառու գործիչ եւ բարերար Հիլտա Տիրուհի Պուրմայեանի միջեւ ստորագրուած փոխըմբռնման յուշագիրին` դեսպանութեան շէնքը կը կառուցուի Պուրմայեան ընտանիքի եւ մասնաւորապէս` բարերար Հիլտա Տիրուհի Պուրմայեանի նուիրատւութեամբ: Դեսպանութեան շէնքի շինարարական աշխատանքները նախատեսուած է աւարտին հասցնել առաւելագոյնը 12 ամիսէն:
Հիմնարկէքի արարողութեան ընթացքին ելոյթներով հանդէս եկան Հայաստանի Հանրապետութեան Արտաքին գործոց եւ Պրազիլի Դաշնային Հանրապետութեան արտաքին յարաբերութիւններու նախարարները:
«Մեր բարեկամութիւնը սկսած է 1992 թուականէն եւ վերջերս շատ աւելի ամրապնդուած է, անշուշտ, նաեւ ձեր ներկայութեամբ այստեղ, պարոն նախագահ: Այն համաձայնութիւնները, որ ստորագրեցինք ալ աւելի պիտի ամրապնդեն մեր բարեկամութիւնը եւ մեր երկկողմ յարաբերութիւնները: Վստահ եղէք, որ այս յարաբերութիւնները աւելի պիտի ամրապնդուին տնտեսական ներդրումներու եւ առողջապահական ոլորտներուն մէջ: Եւ այս արարողութիւնը, որ տեղի կ՝ունենայ դեսպանատան մէջ, պիտի ըլլայ հիմք մեր երկու երկիրներու միջեւ նոր եւ ապագայի բարգաւաճ ու խոստմնալից յարաբերութիւններու համար»,- իր ելոյթին մէջ ըսաւ նախարար Ժոզէ Սերան:
Իսկ, Հայաստանի Արդատին Գործոց նախարար Եդուարդ Նալպանտեան, իր կարգին ըսաւ.- «Յետադարձ հայեացք նետելով համատեղ անցած ուղու վրայ, կարող ենք փաստել, որ Հայաստանի եւ Պրազիլիայի միջեւ տարբեր ոլորտներում ձեւաւորուել եւ ամրապնդուել են բազմաբնոյթ կապեր: Նախագահ Սարգսեանի այս այցը, վստահաբար, արգասաբեր հիմք է հանդիսանալու նոր խոստումնալից նախաձեռնութիւններով մեր ընդհանուր օրակարգի համալրման, հայ-բրազիլական յարաբերութիւնները որակապես նոր մակարդակի բարձրացնելու համար: Մենք ունենք բոլոր հնարաւորութիւնները, որպէսզի Հայաստանն ու Պրազիլիան բարեկամութեան, յարգանքի եւ վստահութեան հիմքի վրայ առաւել ամրապնդեն սերտ յարաբերութիւնները երկու պետութիւնների ու ժողովուրդների միջեւ: Սա է այն գլխաւոր ուղերձը, որը մենք այժմ Հայաստանի Հանրապետութեան նախագահի ներկայութեամբ զետեղելու ենք նոր դեսպանատան հիմքում»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles