Հ.Յ.Դ. Երիտասարդական Եւ Ուսանողական Միութիւններու Շրջանային Խորհրդաժողով

0 0
Read Time:56 Second

ԹԵՀՐԱՆ.- Փետրուար 15-17-ին, Հ.Յ.Դ. «Յոնան Դաւթեան» ուսանողական միութեան հրաւէրով եւ Հ.Յ.Դ. Բիւրոյի Երիտասարդական գրասենեակին հետ համագործակցութեամբ, տեղի ունեցաւ Հ.Յ.Դ. Երիտասարդական եւ ուսանողական միութիւններու ներկայացուցիչներու տարածաշրջանային խորհրդաժողովը` «Հայ երիտասարդը եւ ապագայի տեսլականը Հայաստանի եւ Միջին Արեւելքի մէջ» խորագիրով:
Խորհրդաժողովի մասնակիցները ողջունեցին Հ.Յ.Դ. Բիւրոյի Երիտասարդական գրասենեակի պատասխանատու՝ Սարգիս Մկրտչեան եւ Թեհրանահայ գաղութի պատասխանատուներէն՝ Հենրիկ Խպոյեան:
Եռօրեայ նիստին ընթացքին Հ.Յ.Դ. Երիտասարդական եւ ուսանողական միութիւններու ներկայացուցիչները (Հայաստան, Արցախ, Հարաւային Իրան, Լիբանան, Սուրիա, Քուէյթ) զեկուցեցին իրենց կատարած աշխատանքներուն մասին: Օրակարգային քննարկման առարկայ դարձան սփիւռքահայ գաղութներուն մէջ հայապահպանութեան խնդիրներուն, համահայկական մտածողութեան հասնելու ուղիներուն վերաբերող հարցեր, ինչպէս նաեւ Հայաստանի ներքաղաքական իրավիճակին, արտաքին հիմնախնդիրներուն առնչուող խնդիրներ, նաեւ լուսարձակի տակ առնուեցաւ Հայաստանի զարգացման մէջ սփիւռքահայ երիտասարդներուն դերը:
Խորհրդաժողովին մասնակցողները ունկնդրեցին դասախօսութիւններ Միջին Արեւելքի քաղաքական իրավիճակին եւ հայկական գաղութներուն, Թուրքիոյ, Հայ Դատի, Հայաստանի ներքին ու արտաքին մարտահրաւէրներուն, Հայաստանի զարգացման մէջ Հայաստանի հայ երիտասարդին եւ սփիւռքահայ երիտասարդին դերին մասին:
Երիտասարդները նաեւ կարելիութիւն ունեցան այցելելու Թեհրանի եւ նոր Ջուղայի հայկական հաստատութիւններ, ինչպէս նաեւ պատմամշակութային վայրեր:
Խորհրդաժողովին աւարտին բոլոր շրջաններու ներկայացուցիչները իրենց պատրաստակամութիւնը յայտնեցին` ամբողջական կորովով ծառայելու հայ ազգին, հայրենիքին շահերուն, ինչպէս նաեւ Հայ Դատի պահանջատիրական պայքարին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post «Վստա՛հ Եղէք, Հայերուն Համար Ամէնէն Լաւ Երկիրը Հայաստանը Պիտի Ըլլայ» Կը Յայտնէ Հ.Հ. Վարչապետ Կարէն Կարապետեան
Next post Երեսփոխան Դոկտ. Նորա Արիսեան Կը Պահանջէ Հայոց Ցեղասպանութեան Նիւթի Ներառումը Սուրիոյ Բարձրագոյն Կրթութեան Ծրագիրին Մէջ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles