ՀԱՅԿԱԿԱՆ ԱՐՈՒԵՍՏԻ ԳՈՐԾԵՐՈՒ ՑՈՒՑԱԴՐՈՒԹԻՒՆ

0 0
Read Time:1 Minute, 14 Second

p6 d

ՅԱԿՈԲ ՎԱՐԴԻՎԱՌԵԱՆ

Գեղեցիկ եւ օգտակար նախաձեռնութիւն մը կազմակերպած էին ՝՝Թէքէեան՝՝ Մշակութային Միութիւնը եւ Ս. Թովմաս Եկեղեցւոյ Մշակութային Յանձնախումբը, Հոկտեմբեր 26-ին, եկեղեցւոյ սրահին մէջ։

Մեծ թիւով հետաքրքրուողներ եկած էին սրահ մօտէն ճանչնալու հայկական արուեստի գործեր` եկեղեցական իրեր ու սպասներ, հնատիպ գիրքեր, գորգեր, հրատարակուած թերթեր ու հանդէսներ, հնատիպ լուսանկարներ, տնային անօթներ եւ զանազան հանդերձարաններ։  Անոնք ցուցադրուած էին ներկաներուն համար մասնաւոր սեղաններու վրայ ճաշակով տեղադրուած ։

Յանուն կազմակերպիչներուն խօսք առաւ Տիկին Դալար Շէշէթեան-Սարաֆեան ու ներկայացուց հայկական այս հաւաքածոն ունեցող ծանօթ հնավաճառ Գրիգոր Մարգարեանը, որ անդամ է ։  Ան անդամ է ՝՝Թէքէեան՝՝ Մեծագոյն Նիւ Եորքի վարչութեան եւ եկեղեցւոյ ծխական խորհուրդին։  Մօտ չորս տասնամեակներէ ի վեր, սկսած Լիբանանէն ան կը տանի այս շնորհալի եւ ազգօգուտ աշխատանքը, յաճախակի այցելութիւններ տալով Պատմական Հայաստան, զանազան հայագաղութներ, ուր մոռացութեան մատնուած այս ժառանգութիւնը ի մի հաւաքելով իր Նիւ Եորքի աշխատանոցի մէջ, զանոնք կը ջանայ տեղաւորել հայկական թանգարաններ կամ զանազան ազգայիններու հաւաքածոներու մօտ։  Շնորհալի աշխատանք մը երբ յաւէտ կորուստէ ան կը ջանայ փրկել մեր մշակութային արժէքները։p6 e

Գրիգոր տուաւ լայն բացատրութիւններ գրեթէ իւրաքանչիւր առարկայի, գիրքի թէ արուեստի գործի մասին։  Մեծ տեղ գրաւած էին նաեւ եկեղեցական սպասներ` խորանի վարագոյրներ, սկիհներ, եկեղեցական զգեստներ, թագեր, ջահեր, վարդապետական խաչեր, ու եպիսկոպոսական գաւազաններ։  Ցուցադրուած էին նաեւ հնատիպ աւետարաններ, բառարաններ, կուսակցական թերթեր, լուսանկարներ։

Տրուած հարցումներուն ան տուաւ գոհացուցիչ պատասխաններ։  Ներկաներէն ոմանք իրենց հետ բերած էին ընտանեկան տան մօտ գտնուող հնարժէք իրեր, որոնք ժառանգաբար փոխանցուած էին սերունդէ սերունդ։  Տուաւ անոնց ազգային արժէքը եւ տեղը մեր մշակութային ժառանգութեան մէջ։

Իւրայատուկ նախաձեռնութիւն մը, անկասկած, օգտակար մանաւանդ ամերիկահայ նոր սերունդին համար։  Անկասկած, Մշակոյթի Ամսուան համար  եղող գեղեցիկ ձեռնարկ մը։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles