0
0
Read Time:36 Second
ԵՐԵՒԱՆ․- Սեպտեմբեր 16-ին, Հ․Յ․Դ․ Հայաստանի երիտասարդական միութիւնը, «Յանուն ազգային եւ յառաջադէմ կրթութեան» խորագիրը կրող երթ մը կազմակերպեց, որ սկսաւ Մատենադարանի յարակից տարածքէն եւ անցաւ Մաշտոցի պողոտայով, Ամիրեան փողոցով ու վերջ գտաւ կրթութեան, գիտութեան, մշակոյթի եւ մարմնակրթութեան նախարարութեան շէնքին դիմաց: Երթին մասնակիցները` կրթութեան, գիտութեան, մշակոյթի եւ մարմնակրթութեան ոլորտներուն մէջ տիրող քաոսին եւ բարեփոխումներուն անուան տակ վարուող ապազգային քաղաքականութեան համար պահանջեցին Արայիկ Յարութիւնեանի հրաժարականը:
«Ասիկա սկզբունքներու պայքար է, ասիկա ապագայի եւ անցեալի պայքար է, եւ մենք բնականաբար այս պայքարը պէտք է հասցնենք տրամաբանական աւարտին», յայտարարեց Հ․Յ․Դ․ Երիտասարդականի կեդրոնական վարչութեան անդամ Քրիստինէ Վարդանեանը երթի մեկնարկէն առաջ: Ան նշեց, թէ հանրութիւնը պէտք է, որ բարձրացնէ իր ձայնը: Լրագրողները զրուցեցին Հ․Յ․Դ․ երիտասարդականի Կեդրոնական վարչութեան անդամներուն հետ:
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %