0
0
ԳՐԻԳՈՐ Ա. ԳՐԻԳՈՐԵԱՆ
Ամերիկայի Միացեալ Նահանգներու Արեւելեան Շրջանի Հայ Կրթական եւ Մշակութային Միութեան Շրջանային Վարչութեան 36-րդ Ներկայացուցչական Ժողովը, բացման հաւաքը եւ համախմբումը տեղի ունեցաւ Նիւ Ճըրզի եւ Նիւ Եորք քաղաքներում, Մայիս 18-19, 2012ին:
Բացման հաւաքը եւ հիւրասիրութիւնը, Շրջանային Ժողովը եւ համախմբման հանդիսութիւնը կատարեց երեք տարբեր վայրերում, որոնց մասին հերթականօրէն պիտի անդրադառնանք:
Բացման հանդիսութիւնը եւ ընթրիքը տեղի ունեցաւ Մայիս 18ին, Սուրբ Լուսաւորիչ Մայր եկեղեցւոյ սրահին մէջ, (Մենհեթըն, Նիւ Եորք): Բացման աղօթքով, հանդիսութիւնը բացաւ Սուրբ Լուսաւորիչ Մայր եկեղեցւոյ հոգեւոր հովիւ արժանապատիւ Տ. Մեսրոպ քհնյ. Լագիսեանը: Ան իր խօսքին մէջ նշեց.- “Սրտի անհուն ուրախութեամբ, կ՛ողջունեմ ձեր բոլորի ներկայութիւնը Սուրբ Լուսաւորիչ Մայր եկեղեցւոյ, իսկապէս մեզի համար ուրախութիւն է, որ այս բացման մտերմիկ հանդիսութիւնը տեղի կ՛ունենայ եկեղեցւոյ սրահին մէջ: Բարի եկած էք բոլորդ“: Տէր Հայրը իր խօսքը շարունակելով նշեց.- “Սփիւռքահայ կեանքէ ծնած այս մեծ միութիւնը 84 տարիներ շարունակ եղաւ հայապահպանման եւ ազգապահպանման մեր ընդհանուր պայքարի առաջնապահ մարտիկներէն մէկը: Ջերմօրէն կը շնորհաւորեմ, Համազգայինի հաւաքական ծառայութեան եւ աշխատանքին իր գործօն մասնակցութիւն բերող բոլոր անդամ–անդամուհիներուն“:
Օրուան հանդիսավարուհի, Շրջանային Վարչութեան ատենապետուհի ընկհ. Յասմիկ Աբրահամեանը, բեմ հրաւիրեց Առաջնորդական Փոխանորդ գերաշնորհ Տ. Անուշաւան Եպիսկոպոս Դանիէլեանին, որ իր սրտի խօսքը կատարէ:
Ստորեւ կը ներկայացնենք գերաշնորհ Տ. Անուշաւան Եպս. Դանիէլեանի խօսքից որոշ յատուածներ.-
“Պիտի ասեմ, այն ինչ որ կը զգամ, որպէս սրտի խօսք եւ փոխանցեմ Թեմիս բարձրաշնորհ առաջնորդ Տ. Օշական Արք. Չօլոյեանի հայրական ողջոյնները: Ես կը հաւատամ, անոնց որ հաւատով լեցուած են, հայ մշակոյթի զարգացման եւ բարգաւաճման գործին, անոնք միշտ կը յաջողին, որովհետեւ հաւատքով աշխատողներին միշտ Աստուած կ՛օգնէ: Առածը կ՛ըսէ, փոխանակ խաւարը անիծելու, մոմ մը վառէք, այսօր մեր Համազգայինը եւ նոյնպէս քոյր կազմակերպութիւնները եղեռնէն ետք, ստեղծուած խաւարէն յետոյ մոմ վառեցին, դա ըլլայ մայր հայրենիքին մէջ եւ ապա սփիւռքեան մեր իրականութեան մէջ: Ես կը մաղթեմ, Համազգայինի Շրջանային Ժողովը եւ համախմբումը ըլլայ այնպիսի առիթ մը, որ իսկապէս ճառագայթէ եւ Աստուած հայ մշակոյթի այս բարձր գիտակցութիւնը ձեր մէջ միշտ կանգուն պահէ՛“:
Բեմ հրաւիրուեց Ամերիկայի Հայ Աւետարանական Ընկերակցութեան մեծագոյն Գործադիր տնօրէն` Լեւոն Ֆիլեանը: Ստորեւ, որոշ հատուածներ իր խօսքից.- “Այսօր մենք ուրախութեամբ Համազգայինի պատուին ձեռնարկ մը կ՛ընենք: Մենք պիտի աշխատինք մեր մշակոյթը վառ պահել: Ես Համազգայինի հիմնադիր անդամ եղած եմ“, նշեց պրն. Ֆիլեանը “շարունակենք ցանել, շարունակենք քաջալերել, քանի որ մենք հարուստ մշակոյթ ունինք: Աստուած օրհնէ, Համազգայինը, Աստուած օրհնէ Թէքէեան Միութիւնը, Աստուած օրհնէ մեր մշակոյթի ծառայողները եւ փոխանցենք մեր մշակոյթը յաջորդող սերունդներուն“:
Կեդրոնական Վարչութեան ներկայացուցիչ ընկ. Վահէ Ժամագործեանը, իր ողջոյնի խօսքն ասաց, արժեւորեց Շրջանային Վարչութեան գործունէութիւնը, նշեց որ Համազգայինը յանձնառութիւն ունի հայ մշակոյթի նկատմամբ եւ մենք պէտք է այդ յանձնառութիւնը արդարացնենք:
Բեմ հրաւիրուեցաւ Շրջանային Վարչութեան ատենապետ ընկ. Դոկտ. Արա Նազարեանը, որ հանգամանօրէն նշեց Շրջանային Վարչութեան տարած աշխատանքները: Ան շնորհակալութիւն յայտնեց Համազգայինին օժանդակող անհատներից եւ կազմակերպութիւններից, համախմբումին բարոյապէս եւ նիւթապէս օժանդակող Դոկտ. Հայկազ Գրիգորեանին եւ Անդրանիկ Բուդաղեանին:
Հանդիսութիւնն անցաւ ուրախ եւ ընկերական մթնոլորտում հիւրերու շարքին: Ներկայ էին նաեւ Կ.Կ. Ներկայացուցիչ ընկ. Հրայր Պարոնեանը եւ Հ.Օ.Միութեան Շրջանային Վարչութեան ատենապետուհի ընկհ. Սիլվա Գույումճեանը:
Գեղարուեստական բաժնին իրենց մասնակցութիւնն էին բերել, արհեստավարժ “Սիմա“ եռեակ նուագախումբը, որ կը բաղկանայ Անի Գալայճեանէ (թաւ ջութակ), Սամի Մէյտինեանէ (ջութակ) եւ Սոֆիա Մելիքեանէ (դաշնամուր):
Նուագախմբի կողմից կատարուած երաժշտական բարձրորակ ելոյթները մեծ հաճոյք պատճառեց:
ՀԱՄԱԶԳԱՅԻՆԻ ԱՐԵՒԵԼԵԱՆ ՇՐՋԱՆԻ ՇՐՋԱՆԱՅԻՆ 36-ՐԴ ՆԵՐԿԱՅԱՑՈՒՑՉԱԿԱՆ ԺՈՂՈՎ
36-րդ Շրջանային Ժողովը տեղի ունեցաւ Շաբաթ Մայիս 19-ին, Նիւ Ճըրզիի Սուրբ Վարդանանց Հայոց Առաքելական եկեղեցւոյ սրահում (461 Bergen Blvd, Ridgefield N.J.): Ժողովը բացուեցաւ արժանապատիւ` Տ. Յովնան Պօզոյեանի Տէրունական աղօթքով: Պաշտօնական բացումը կատարեց Շրջանայինի ատենապետ, ընկ. Արա Նազարեանը, որ բարի գալուստ մաղթեց ներկաներուն եւ անդրադարձաւ Համազգայինի կատարած կարեւոր դերի մասին, Հայ Մշակոյթի պահպանման եւ տարածման գծով տարուող աշխատանքների առնչութեամբ միաձայնութեամբ դիւանի անդամներ ընտրուեցան` ընկ. դոկտ. Արա Գաբրիէլեան ատենապետ եւ ընկ. Տիգրան Թոխմանեան ատենադպիր, որոնք ձեռնհասօրէն վարեցին նիստերը: Ընտրուեցան նաեւ արխիւային, բանաձեւային յանձնախումբ բաղկացած ընկհ. Հերմինէ Մանուկեանէ եւ Արեւիկ Գաբրիէլեանէ: Հաշուեքննիչ եւ Քուէախոյզ յանձնախումբը Յովակիմ Մանուկեան եւ Աւետիս Պարոնեան: Լիազօրագրերու յանձնախումբ ընտրուեցան` Արաքսի Խաչիկեան եւ Ալֆրէտ Եզնայեան:
Խօսք առին Կեդրոնական Վարչութեան ներկայացուցիչ` ընկ. Վահէ Ժամագործեան եւ նշեց.- “Մենք բոլորս պարտականութիւն եւ յանձնառարութիւն ունինք մեր մշակոյթի եւ նոյնպէս մեր երիտասարդութեան նկատմամբ եւ պէտք է մեր կարելին չխնայենք, հայ մշակոյթի տարածման եւ երիտասարդութեան ներգրաւման առնչութեամբ“:
Ելոյթ ունեցաւ Հ.Յ.Դաշնակցութեան Կ.Կ.ի ներկայացուցիչ ընկ. Հրայր Պարոնեանը, որ կարեւորութեամբ նշեց որ պէտք է ծրագրուած աշխատանքով մեր գործունէութիւնը շարունակենք ընկալուած յաջողութեան հասնելու համար:
Հ.Օ.Միութեան Շրջանային Վարչութեան կողմէ, շնորհաւորանքի համագործակցութեան եւ քաջալերանքի իր պատգամը փոխանցեց, ընկերուհի Անի Քէշիշեանը: Ժողովին 8 մասնաճիւղերէն ներկայ էին 7ը, Արեւելեան Շրջանի անդամների թիւը 150: Շրջանային Վարչութեան ատենապետ ընկ. Դոկտ. Նազարեանը ամբողջական զեկուցում ներկայացրեց, Շրջանային Վարչութեան միամեայ գործունէութեան շուրջ (Ապրիլ 30, 2011-Մայիս 19, 2012): Այդ շրջանում վարչութեան կազմը ունեցել է հետեւեալ պատկերը`
Ընկ. Արա Նազարեան` Ատենապետ
Ընկհ. Մակի Սիմոնեան` Փոխ-ատենապետ
Ընկհ. Յասմիկ Աբրահամեան` Ատենադպրուհի
Ընկ. Յակոբ Մելքոնեան` Գանձապահ
Ընկհ. Լենա Օհաննէսեան` Խորհրդական
Ընկհ. Ալին Պաղտասարեան` Խորհրդական
Ընկհ. Համիկ Աւետեան` Խորհրդական
Ունեցել են աշխոյժ կապ, Կեդրոնական Վարչութեան, Մասնաճիւղերու եւ քոյր Միութիւններու հետ:
Կազմակերպել են ԵՐԵՔ մասնաճիւղային ժողովներ: Հաստատել են “Համազգայինի Անկիւն“ մը, “Հայրենիք“ Շաբաթաթերթի մէջ: Վարչութիւնը Ե. Նամակների հասցէներ է ստեղծել բոլոր մասնաճիւղերու համար:
Համազգային Հայ Կրթական եւ Մշակութային Միութեան Ա.Մ.Ն.-ի Արեւելեան Շրջանի Վարչութեան ոչ հասութաբեր կացութիւնը վերահաստատուել է եւ կարելի է օգտուիլ տուրքէ զերծ թուից:
Համազգայինի համար նիւթական կայուն եկամուտ ապահովելու համար, Շրջանային Վարչութիւնը Նիւ Ճըրզիի մէջ ձեռնարկել է` “Երեխաներու Խնամքի Կեդրոն“ (Child Care):
Վարչութիւնը ձեռնարկել է Հայ գրագէտներու եւ արուեստագէտներու ցանկի ստեղծում: Համազգայինի հիմնադրամներու գործունէութեան եղանակը պիտի փոխուի, աւելի դիւրամատչելի դարձնելու համար թեկնածուներու համար, այս նպատակով պիտի խորհրդակցին հիմնադրամներու տէրերու հետ որոշ արգելքներ վերացնելու համար:
Կեանքի կոչուեց երեք հոգուց բաղկացած տարեկան մնայուն հաշուեքննիչ մարմին մը, բաղկացած` Հիլտա Պարոնեանէ, Նորա Տիրագսաօղլուէ եւ Հուրի Սամուէլեանէ:
Վարչութեան միամեայ գործունէութեան առնչութեամբ կատարուեց քննարկում:
Ժողովը դրուատեց Շրջանային Վարչութեան ելեկտրոնային արդիականացման համար տարուած աշխատանքները, մասնաճիւղերու կողմից տարուած մշակութային աշխատանքները, Համազգայինի ոչ հասութաբեր կացութեան վերահաստատում, “Երեխաներու Խնամքի Կեդրոն“ի ծրագրում: Հայերէն լեզուի եւ պատմութեան դասաւանդման ծրագրաւորում եւայլ դրական աշխատանքներ:
Ժողովի միաձայնութեամբ Շրջանային Վարչութեան աշխատանքը, գնահատեց, որպէս յոյժ գովելի: Կատարուեց Շրջանային Վարչութեան կազմի լրացուցիչ ընտրութիւն:
Նոր կազմ ընտրուեց հետեւեալ կարգով.-
Ընկ. Արա Նազարեան` ատենապետ
Ընկհ. Ալին Պաղտասարեան` փոխ ատենապետ
Ընկհ. Յասմիկ Աբրահամեան` ատենադպիր
Ընկ. Յակոբ Մելքոնեան` գանձապահ
Ընկհ. Լենա Օհաննէսեան` խորհրդական
Ընկհ. Հարմիկ Աւետեան` խորհրդական
Ընկ. Տիգրան Փալանջեան` խորհրդական
Դիւանի ատենապետ ընկ. դոկտ. Արա Գաբրիէլեան իր փակման խօսքի մէջ շնորհաւորեց նորակազմ վարչութիւնը եւ յաջողութիւն մաղթեց:
ՀԱՄԱԽՄԲՈՒՄ
Նոյն օրը երեկոյեան ժամը 7ին տեղի ունեցաւ Շրջանային Վարչութեան Մշակութային համախմբումը, St. Leon Armenian Apostolic Church Function Hall, Saddle River Rd., Fairlawn N.J. շուրջ 300 հանդիսականներու ներկայութեամբ: Կազմուած էր ճոխ գեղարուեստական ծրագիր եւ ընթրիք հանդիսութիւն:
Օրուան հանդիսավարն էր Շրջանային Վարչութեան ատենադպրուհի Յասմիկ Աբրահմեանը:
Հանդիսութիւնը բացուեց Ամերիկեան եւ Հայկական ազգային օրհներգներով, որ կատարուեց Համազգային Նիւ Ճըրզիի մասնաճիւղի “Արեգակ“ երգչախումի կատարմամբ, ղեկավարութեամբ շնորհալի խմբավար` Վաղարշակ Օհանեանի:
“Արմինիըն Ուիքլի“ի խմբագիր Խաչիկ Մուրատեանը, իր բազմաթիւ այցելութիւններու ընթացքում, պատկերահանել էր բազմաթիւ պատմական վայրեր, Արեւմտահայաստանից ինչպէս Կարս, Անի, Տիգրանակերտ, Մուշ եւ այլ վայրեր, որոնց կապակցութեամբ, պատկերների ցուցադրութեան հետ առընթեր, տալիս էր համապատասխան բացատրութիւններ:
Ելոյթ ունեցաւ Համազգայինի, Շրջանային Վարչութեան ատենապետ ընկ. Դոկտ. Արա Նազարեանը, որ լայնօրէն եւ համապարփակ խօսքով, ներկայացրեց Համազգայինի, Մշակութային, Ազգային գործունէութեան տարբեր ձեռքբերումները:
Կազմուած էր ճոխ եւ ճաշակաւոր գեղարուեստական ծրագիր: Ելոյթ ունեցաւ Նիւ Ճըրզիի մասնաճիւղի պատանեկան “Նայիրի“ պարախումբը ղեկավարութեամբ շնորհալի պարուսոյց Թովմաս Յարութիւնեանի, որոնք գեղեցկօրէն ներկայացրեցին ազգային ժողովրդական հայկական մի շարք պարեր, ինչպէս “Քոչարի“, “Կիկոս“, “Վարդավառ“, “Մենք Ենք Մեր Սարերը“:
Տպաւորիչ էր Նիւ Ճըրզիի մասնաճիւղի “Արեգակ“ երգչախմբի ելոյթները, ղեկավարութեամբ շնորհալի խմբավար` Վաղարշակ Օհանեանի: Երգերու ընտրութիւնը կը համապատասխանէր համախմբման ոգիին, ինչպէս` “Իմ Անունը Հայաստան է“, “Գարուն Երեւան“, “Կիլիկիա“, “Տալւորիկ“, “Հայկական Բանակի քայլերգ“ եւ այլ երգեր: Դաշնամուրի կատարմամբ, ելոյթ ունեցան Անի Մուրատեան, Արիանա Մեսրոպեան: Ասմունքեց` Հռիփսիմէ Յարութիւնեան, երգչախմբի ընկերակցութեամբ` մեներգեց Շաքէ Նուխուտեան:
Համախմբման ընթացքին Շրջանային Վարչութեան կողմից պարգեւատրուեցին չորս համազգայնականներ` Արեւիկ Գաբրիէլեան (Նիւ Եորք) եւ Աւետիս Պարոնեան (Նիւ Ճըրզի), Համազգայինի համախմբման կազմակերպման աշխատանքների գծով, իրենց բերած ժրաջան եւ օգտաշատ աշխատանքի համար: Ալֆրէտ Եզնայեան (Նիւ Ճըրզի) Համազգայինի երկար տարիներու կազմակերպչական եւ մշակութային աշխատանքներին իր բերած օգտաշատ գործունէութեան համար:
Տիթրոյթի մասնաճիւղից պարգեւատրուեց երիտասարդ պարուսոյց Նայիրի Կարապետեանը, իր նուիրուած եւ հետեւողական աշխատանքի համար:
Վերջում տեղի ունեցաւ ճոխ հիւրասիրութիւն եւ ընթրիք: Համազգայինի Շրջանային Վարչութեան կազմակերպած համախմբումը եւ մասնաճիւղերու համագործակցութիւնը արժանի է մեծ գնահատանքի:
Աւելի մեծ յաջողութիւններ ենք ցանկանում:
