«ԿԻՒՐՃԻԵՒ» ԺՈՂՈՎՐԴԱԿԱՆ ՆՈՒԱԳԱՐԱՆՆԵՐՈՒ ՀԱՄՈՅԹԸ ՀՈԼԱՆՏԱՅԻ ՓԱՌԱՏՕՆԻՆ
Հոլանտայի մէջ տեղի ունեցող դասական երաժշտութեան ամենահին փառատօնին, այս տարի լայն անդրադարձ ունեցաւ Հայոց Ցեղասպանութեան 100ամեակը եւ մեծ շեշտադրումով ներկայացուեցան գործեր՝ Կոմիտասէն:
Փառատօնին իր մասնակցութիւնը բերաւ Հայաստանէն ,Կիւրճիեւե ժողովրդական նուագարաններու համոյթը, որ ելոյթ ունեցաւ «ՄիւզիքԿըպաու» եւ «Փոտիում Մոզայիք» համերգասրահներէն ներս:
Համոյթի գեղարուեստական ղեկավար Լեւոն Իսկէնեան, նախաբանով մը, ներկայացուց Կոմիտասի ստեղծագործական կեանքը եւ մանրամասնութիւնները Կոմիտասի նուիրուած նոր նախագիծի մը, որ կեանքի պիտի կոչուի յառաջիկային: Համերգի ընթացքին ներկայացուեցան Կոմիտասի դաշնամուրային ստեղծագործութիւնները, կատարողութեամբ Լուսինէ Գրիգորեանի:
Տեղի ունեցաւ նաեւ քննարկում` «Յիշողութեան արուեստը. Հայոց Ցեղասպանութեան 100րդ տարելից» խորագրով, որուն ընթացքին դասախօսութեամբ հանդէս եկաւ Ամսթերտամի համալսարանի ցեղասպանութեան ուսումնասիրութիւններու եւ մարդաբանութեան դասախօս դոկտ. Թոն Զվան: Հայոց Ցեղասպանութեան` իրենց գործունէութեան վրայ ունեցած ազդեցութեան մասին խօսեցան նկարիչ եւ բանաստեղծ Գրիգոր Մոմճեան եւ բեմադրիչ Թինա Պասթաճեան: Իսկ Կոմիտասի եւ ,Կիւրճիեւեի գործերու կատարումով ելոյթ ունեցաւ «Կիւրճիեւ»համոյթի գեղարուեստական ղեկավար, դաշնակահար Լեւոն Իսկէնեան:
