Թօթափեցի՛նք Հարիւր Տարուայ Միայնութիւնը …

0 0
Read Time:1 Minute, 56 Second

?????????????????????????????????????????????????????????????????????????????????????????????????????????????????????????????????????????????????????????????????

ՀԱՅՐԵՆԻՔ
Խմբագրական
Ապրիլ 27, 2015

Հանրահռչակ Քոլոմպիացի գրագէտ Կապրիէլ Կարսիա Մարքէսի «Հարիւր Տարուայ Միայնութիւն» գիրքէն ներշնչուած է վերոյիշեալ հաստատումը:
Այլաբանութի՞ւն, զուգադիպութի՞ւն թէ, պարզապէս յիշողութիւն:
Ի վերջոյ մարդկային իրաւունքներուն համար պայքարած, էջեր մրոտած հեղինակաւոր անձնաւորութիւն մւն էր Կարսիա Մարքէս, որուն մահուան տարելիցն ալ դեռ վերջերս, Հարիւրամեակի սեմին՝ Ապրիլ 17-ին նշուեցաւ:
Այո՛ …Թօթափեցինք հարիւր տարուայ մոռացութեան, միայնութեան եւ ժխտողականութեան բարդոյթն ու արհաւիրքը:
Տարբեր տեսակի ճակատամարտ մը մղուեցաւ հարիւր տարի ետք…Ապրիլ 24, 2015-ին: Քաղաքական բնոյթ ունեցող ճակատամարտ մըն էր մղուածը, եւ այդ ալ երկու տարբեր ճակատներու վրայ՝ Ծիծեռնակաբերդի եւ Կալիփոլիի մէջ:
Այդպէս որոշած էր Անգարան, եւ այդ գծով ալ թրքական լոպպին գործի լծուած էր «ծածկելու» եւ շուքի մէջ պահելու Ծիծեռնակաբերդի արդարութեան ձայնը:
Եթէ բաղդատութիւն մը կատարենք այդ միեւնոյն օրուան կատարուած ձեռնարկները, յստակօրէն կարելի է նկատել թէ քաղաքական գետնի վրայ ո՞ր կողմն էր յաղթականը: Թուրքիոյ նախագահ Էրտողանի ջղագրգիռ վիճակն ու այլանդակ եւ մտահոգութիւն սփռող դէմքը, այդ օր ցոյց տուաւ թէ, Կալիփոլիի ճակատամարտը հարիւր տարի առաջ, կերտած էր արդի օրերու Թուրքիան իսկ այսօր…հարիւր տարի ետք, այդ յաղթանակի նշումը հարցադրումներու դուռ բացած էր Թուրքիոյ ներկայ կացութեան մասին, թէ՛ ներքին եւ թէ՛ արտաքին բնագաւառներէն ներս:
Քանի մը տասնեակ նախագահներ ներկայ էին Կալիփոլիի հաւաքին: Անոնք մեծամասնութեամբ երրորդ Աշխարհի երկիրներու ղեկավարներն էին, որոնց հրաւէր ընդառաջելը կամ «դասաւորել»ը, շատ աւելի դիւրին է քան այլ «Մեծ» պետութիւններու ղեկավարներ համոզելը, մանաւանդ որ բազմաթիւ ներկայացած ղեկավարներ կը նկատուին միակուսակցական, ծաւալողապաշտ եւ օլիկարխային զեղծարարութիւններով ճանչցուած պետութիւններ: Հետեւաբար, Մեծն Բրիտանիոյ Չարլզ իշխանին ներկայութիւնը միակ գոյութիւն ունեցող «ծանրութիւն»ն էր, համեմատած անոր կողքին գտնուող Ճիպութիի, Նիկէրի կամ Մալիի նախագահներուն: Ասոր կողքին, սպասելի էր բարձր մակարդակով, Աւստրալիոյ եւ Նոր Զելանտայի մասնակցութիւնը, պարզապէս այն պատճառով որ այս երկիրներէն ժամանած, Դաշինքին մաս կազմող զինուորներ եղած էին զոհուածներու մեծամասնութիւնը:
Համեմատած Կալիփոլիի գեղեցկութիւնը վայելած, այս տասնեակ մը զբօսաշրջիկ նախագահներուն, Ծիծեռնակաբերդ ժամանած էին ընդամէնը չորս նախագահ՝ Ֆրանսուա Հոլանտ (Ֆրանսա),Վլատիմիր Փութին (Ռուսաստան), Թոմիսլաւ Նիքոլիչ (Սերպիա) եւ Կիպրոսի նախագահ Նիքոս Անասթասիատիս (Կիպրոս), սակայն «ծանրութեան» իմաստով, յստակ էր թէ նժարը ո՞ր ուղղութեամբ կը կշռէր:
Հոլանտի եւ Փութինի ներկայութիւնը կը փաստէր թէ, երկու տարբեր բեւեռներ ներկայ էին յարգելու մէկումէս միլիոն անմեղներու յիշատակը՝ Աշխարհի պատմութեան անդրանիկ Ցեղասպանութեան՝ ՀԱՅԱՍՊԱՆՈՒԹԵԱՆ յիշատակը:
Առ այդ, Ֆրանսայի Նախագահ Ֆրանսուա Հոլանտի խօսքը.- «Հայոց Ցեղասպանութեան 100-ամեակը նուիրուած է խաղաղութեան` Հայաստանի, շրջանի, ամբողջ աշխարհի համար: Հարիւրամեակը կոչ է խաղաղութեան, հաշտեցման…» կ՛արտացոլացնէ օրուան ոգեկոչումը:
Այսպէս, թօթափեցի՛նք հարիւր տարուայ միայնութիւնը…Եւ դեռ շատ բան կայ իրագործելիք, յաչս պահանջատիրութեան եւ հատուցման:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles