1
0
Արդէն իսկ 10 տարիէ ի վեր կը գործէ «Համազգային»-ի Արեւելեան Ա․Մ․Ն․-ի «Մանուկներու Խաղավայր» մանկամսուրը։
Ինչպէս Սարդարապատ երգը կը նշէ «Երբ չի մնում ելք ու ճար, խենթերն են գտնում հնար» այսպէս ալ «Համազգային»-ը յղացաւ ունենալու մանկամսուր մը : Ստորեւ, հարցազրոյց մը «Համազգային»-ի Արեւելեան Ա․Մ․Ն․-ի Շրջանային Վարչութեան ատենապետուհի Յասմիկ Աբրահամեանի հետ։
Հարցում/ Տաս տարիէ ի վեր կը գործէ Արեւելեան Ա․Մ․Ն․ «Համազգային»-ի մանկամսուրը։ Կարելի՞ է քանի մը տողով ներկայացնել այս կրթօճախին ծննդոցը։
Պատասխան/ Շնորհակալութիւն Հայրենիք շաբաթաթերթին առիթը տալու ներկայացնելու հանրութեան Համազգային Հայ Կրթական եւ Մշակութային Միութեան Արեւելեան ԱՄՆ Շրջանային Վարչութեան Children’s Playhouse «Մանուկներու Խաղավայր» մանկամսուրի մասին:
Ինչպէս Սարդարապատ երգը կ’ըսէ «Երբ չի մնում ելք ու ճար, Խենթերն են գտնում հնար» այսպէս ալ Համազգայինը յղացաւ ունենալու մանկամսուր մը :Մի քանի տարի փնտռելէ ետք ունեցանք մեր ցանկացած մանկամսուրը եւ անուանեցինք Children’s Playhouse «Մանուկներու Խաղավայր»։
Հ/ Ինչպէ՞ս կը գործէ այս հաստատութիւնը, սկսելով վարչական պատասխանատուներէն մինչեւ ուսուցչական կազմը։
Պ/ 2014 Օգոստոսին գնուեցաւ «Մանուկներու Խաղավայր»ը: Այսoր տասը տարիներէ ի վեր կը գործէ մանկամսուրը ներկայիս վարիչ տնօրէն ունենալով Հուրի Սանոսեանը իսկ նախկին վարիչ տնօրէն՝ Ֆլորիա Գասպարեան որը մօտէն կը հետեւի ամենօրեայ գործունէութիւններուն իսկ ընկերուհի Քարի Ղէզէրեան՝ հաշուապահ:
Ի յարկ է, որ Children’s Playhouse «Մանուկներու Խաղավայր» մանկամսուրը ունի իր յանձնախումբը, իր ենթայանձնախումբը բաղկացած 9 ընկեր ընկերուհիներէ որոնք կ’ունենան իրենց ընթացիկ ժողովները:
Ինչպէ՞ս կարելի պիտի ըլլար իրագործել մեր երազանքը առանց մեր նուիրուած անձնազոհ ընկերներուն որոնք անխնայ կ’աշխատին քուլիսներու ետին:
Հ/ Աւելի մանրամասնութիւններ կարելի՞ է փոխանցել, թէ քանի՞ տարեկանէն կարելի է յաճախել այս մանկամսուրը։
Պ/ Ներկայիս ունինք տասը վկայեալ ուսուցչուհիներ եւ երեսուն եօթը աշակերտներ սկսեալ երեք ամսուայ մանուկներէ մինչեւ եօթը տարեկան երեխաներ:
Հ/Տարիքային բաժանմունքներ ստեղծուա՞ծ են եւ ըստ այնմ յատուկ ծրագրեր կը կիրարկուի՞ն։ Ընդհանուր պատկեր մը կարելի՞ է ներկայացնել։
Պ/ Children’s Playhouse «Մանուկներու Խաղավայր» մանկամսուրը օժտուած իր արդիական խաղավայրով ունի տարբեր ծրագիրներ տարիքային բաժանմունքներով
Հ/Ապագայի ծրագրեր կա՞ն, թէ իբրեւ կառոյց եւ թէ՛ իբրեւ կրթութեան եւ դաստիարակութեան յայտագիր:
Պ/ կը հետեւինք “NJ Grow kids” արդիական մանկավարժութեան բարձրագոյն մակարդակի նախագիծերուն ըլլան անոնք մարմնական, բնագիտական եւ մտային մարզերու մէջ:
Հ/Յաւելեալ կարիք ունեցող, որոշ բարդոյթներ ունեցող եւ հաշմանդամ երեխաներու առնչութեամբ մշակուած ծրագրեր կա՞ն։
Պ/ Ունինք այս մարզին մէջ մասնագիտացած ուսուցչուհիներ որոնք կը հետեւին մեզի տրամադրուած մասնայատուկ ծրագիրներու:
Հ/Այս հաստատութեան տասնամեակին առթիւ, յատուկ ծրագրեր մշակա՞ծ էք։
Պ/ Ամփոփելու համար մեր այսօրուայ հարցազրոյցը կ’ուզեմ ըսել որ Սեպտեմբեր 14ին պիտի տօնենք մեր մանկամսուրի տասնամեակը :
Մի քանի տարի փնտռելէ ետք ունեցանք մեր ցանկացած մանկամսուրը եւ անուանեցինք Children’s Playhouse «Մանուկներու Խաղավայր»։
