0
0
ՈՒԱՇԻՆԿԹԸՆ․- Հայ Դատի յանձնախումբը Քոնկրէսին կոչ ուղղեց հետաքննելու արտաքին գործոց նախարարութեան Հայաստանի եւ Արցախի առնչուած ձախողութիւնները:
Հոկտեմբեր 7-ին Ծերակոյտի արտաքին յարաբերութիւններու յանձնախումբի նախագահ Ռապըրթ Մենենտէսին, Ներկայացուցիչներու տան արտաքին յարաբերութիւններու յանձնախումբի նախագահ Կրեկ Միքսին եւ առանցքային այլ յանձնախումբերու անդամներուն ուղղուած նամակով Հայ Դատի յանձնախումբի նախագահ Ռաֆֆի Համբարեանը կոչ ուղղեց հետաքննելու Հայաստանի Հանրապետութեան-Միացեալ Նահանգներու երկկողմանի յարաբերութիւններուն մէջ եւ շրջանային դիւանագիտութեան մէջ բազմակի, հիմնարար եւ կրկնուող ձախողումները` նախորդ տարուան սեպտեմբերին, ատկէ առաջ եւ ետք` Արցախի Հանրապետութեան վրայ Ազրպէյճանի շարունակուող յարձակումներու ընթացքին մէջ, ինչպէս նաեւ Հայաստանի գերիշխան տարածքներու շարունակական բռնագրաւումի ժամանակ: Հետաքննութիւնը վերատեսութեան պիտի ենթարկէ Միացեալ Նահանգներու արտաքին գործոց նախարարի եւ Միացեալ Նահանգներու Միջազգային զարգացման գործակալութեան վարքագիծը` ներքոշարադրեալ թերութիւնները վերացնելու համար`
– Ազատութեան աջակցութեան հռչակագիրի 907-րդ յօդուածի եւ Ազրպէյճանին տրամադրուող ամերիկեան օժանդակութեան օրէնսդրական խախտումները չկանխարգիլելը:
– Ատրպէյճանի կողմէ գործածուած թրքական անօդաչու թռչող սարքերուն մէջ ամերիկեան պահեստամասերու յայտնաբերման առնչուած` ամերիկացի արտադրողները, թրքական կառավարութեան եւ մասնաւոր հատուածի շահագրգիռ կողմերը պատասխանատուութեան չենթարկելը, ինչ որ ամերիկեան օրէնսդրութեան խախտում է:
– Օտարերկրեայ ահաբեկիչ զինեալներու, ներառեալ Սուրիայէն եկած ժիհատականներու հաւաքագրման եւ Արցախի դէմ ազրպէյճանական ուժերու կողմէ օգտագործման համար Թուրքիան պատասխանատուութեան չենթարկելը:
– Հայ պատերազմական գերիներու անօրինական պահման, խոշտանգումներու եւ նոյնիսկ սպանութիւններու համար Ատրպէյճանը պատասխանատուութեան չենթարկելը:
– Հայաստանի գերիշխան տարածք ներխուժման եւ բռնագրաւման համար Ազրպէյճանի ղեկավարները պատասխանատուութեան չենթարկելը:
– Արցախի կարգավիճակի եւ անվտանգութեան հարցերու խաղաղ լուծման գործին մէջ Միացեալ Նահանգներու շահերը համարժէք չներկայացնելու առումով` ԵԱՀԿ-ի Մինսքի խմբակի ամերիկացի համանախագահի ձախողումները:
– Միացեալ Նահանգներու կառավարութեան նախապէս իմացութեան եւ/կամ Ազրպէյճանի յարձակման մասին նախազգուշացման ձախողումները:
– Իրենց բնօրրանէն տեղահանուած աւելի քան 100.000 հայերուն համարժէք մարդասիրական օգնութիւն չտրամադրելը:
« Հայ դատի յանձնախումբը Միացեալ Նահանգներու Ծերակոյտին եւ Ներկայացուցիչներու տան կոչ կ՛ուղղէ` առանցքային յանձնախումբերուն կատարելու Միացեալ Նահանգներու արտաքին գործոց նախարարութեան եւ անոր առնչուած գերատեսչութիւններու վերահսկողութեան իրենց պարտականութիւնները` Միացեալ Նահանգներու եւ Հայաստանի միջեւ երկկողմանի եւ շրջանային յարաբերութիւններուն մէջ Միացեալ Նահանգներու քաղաքականութեան ընդհանուր համակարգային ձախողութիւններու հետաքննութեան միջոցով: Հայ դատի յանձնախումբը արտաքին գործոց նախարարութենէն կը պահանջէ լիակատար թափանցիկութիւն, հաշուետուողականութիւն եւ պատշաճ կառավարում։ Արտաքին գործոց նախարարութեան լուրջ, համակարգային թերութիւններէն Արցախի վրայ Ատրպէյճանի յարձակումէն առաջ, ընթացքին եւ ետք յստակ է, որ Քոնկրէսին անհրաժեշտ է խոր հետաքննութիւն կատարել, որ շատոնց լոյս կը սփռէ այդ դիւանագիտական աղէտին վրայ` մեղաւորները պատասխանատուութեան ենթարկելով», յայտնեց Հայ Դատի յանձնախումբի նախագահ Ռաֆֆի Համբարեան որ անգամ մը եւս շեշտեց, թէ Հայ Դատի յանձնախումբի նախագահը յատուկ ուշադրութեան հրաւիրեց արցախեան հիմնախնդիրի խաղաղ լուծման բանակցութիւններուն մէջ ԵԱՀԿ-ի Մինսքի խմբակի դիւանագիտական անյաջողութիւններու հետեւանքներուն վրայ` նկատելով. «Միացեալ Նահանգներու ներգրաւուածութեան ձախողութիւնը շրջան հրաւիրած է չարագործ դերակատարներ, որոնցմէ առաջինը Թուրքիան է, որ բռնի կերպով կը փորձէ նախագծել Կովկասի ապագան:
