0
0
Երկար տարիներու ընդմիջումէ ետք, Կիրակի Հոկտեմբեր 23, 2011-ին, Տիգրանակերտի մէջ վերաբացուեցաւ Հայաստանեայց Աառաքելական եկեղեցւոյ Միջին Արեւելքի մեծագոյն կալուածը` Սուրբ Կիրակոսը:
Արդարեւ, աւելի քան 2500 հայերու մասնակցութեամբ, եկեղեցւոյ մէջ, պատարագ մատուցեց Պոլսոյ հայոց պատրիարքութեան ընդհանուր փոխանորդ Արամ արք. Աթեշեան:
Օր մը առաջ` Շաբաթ, Հոկտեմբեր 22-ի երեկոյեան կատարուած էր եկեղեցւոյ վերաբացումը, որուն պաշտօնական օծումէն ետք, Տիգրանակերտի քաղաքապետ Օսման Պայտեմիրը, Միացեալ Նահանգներէն եւ Հայաստանէն ժամանած հիւրերը հրաւիրած էր ընթրիքի: Այս պաշտօնական ընթրիքի ընթացքին Պոլսոյ հայոց պատրիարքական ընդհանուր փոխանորդ Արամ արք. Աթեշեանն ու Միացեալ Նահանգներու պատուիրակութիւնը պարգեւատրած էին քաղաքապետը: 1915-էն ետք Սուրբ Կիրակոսը կիսաւեր վիճակի մատնուած է եւ դադրած է գործելէ:
Ա. Համաշխարհային պատերազմի տարիներուն օգտագործուած է որպէս զինանոց, իսկ պատերազմէն ետք` իբրեւ մթերանոց: 1960-ին եկեղեցին վերադարձուած է Տիգրանակերտի հայութեան, սակայն նիւթական անբաւարար պայմաններու տակ գտնուելով` տարիներով մնացած է անխնամ վիճակի մէջ:
