Սահմանէն Անդին

0 0
Read Time:2 Minute, 18 Second
Գիւղական Կեանք, Շոշ, սահմանամերձ գիւղ, Արցախ

ԶԱՒԷՆ ԽԱՆՃԵԱՆ
Ամերիկայի Հայ Աւետարանչական Ընկերակցութեան Գործադիր Տնօրէն
«Գացէ՛ք ամբողջ աշխարհը, ու քարոզեցէ՛ք աւետարանը բոլոր արարածներուն» (Մարկոս 16:15)

Ինչպէ՞ս կը բնորոշէք սահմանները: Արդեօք սահմանները նախանշուած տարածքի սկի՞զբն են, թէ վերջը: AMAA News-ի վերջին թողարկումը նուիրուած է Հայաստանի եւ Արցախի սահմանամերձ գիւղերուն: Գիւղերը բնական միջավայրեր են։ Այնտեղ մարդիկ կ՛ապրին։ Երբ մենք կը խօսինք սահմանամերձ գիւղերու մասին, մենք կը խօսինք համայնքներու, անձերու, մարդ արարածներու մասին՝ տղամարդիկ, կանայք եւ մանուկներ, էակներ, որոնք ծնած են իրենց Ստեղծողի պատկերով: Ուստի, խօսքը կեանքի մասին է՝ համեմատաբար պարզունակ, բայց միեւնոյն ժամանակ մաքուր, ազնիւ եւ անմեղ:

1988-ի երկրաշարժէն ետք, AMAA-ի` hայրենիքի մէջ իր ներկայութեան արշալոյսէն ի վեր, եւ աւելի քան 33 տարի անց, մեր առաքելութիւնը մեծապէս աճած եւ ընդլայնած է դէպի քաղաքներ եւ շրջաններ, բլուրներ եւ հովիտներ՝ ամբողջ Հայաստանի եւ Արցախի տարածքին. АМАА-ը յուզեր է մարդոց, հպուեր է անոնց կեանքին, փոխեր է ճակատագիրներ եւ ուղղութիւններ, ուշադրութեան արժանացուցեր է նուիրեալներուն ու գրկաբաց ընդուներ երազողները, օգներ է երազանքներու իրականացման: Առաքելութիւնը բարգաւաճեր է ինչպէս քաղաքի մէջ, այնպէս ալ զայն շրջապատող համայնքներուն մէջ՝ գործառնական իր շրջանակներու հետեւեալ ոլորտներուն մէջ․

– Քարոզել Աստծոյ Խօսքը,

– Կրթել երիտասարդները եւ մեծահասակները,

– Պաշտպանել եւ բարձրացնել արժէքները,

– Ձեռք մեկնել որբին եւ այրիին:

Արցախի սահմանամերձ Տահրաւ գիւղի մանուկները կը ստանան նոր հագուստներ

Պատմականօրէն՝ AMAA-ի առաջին հանդիպումը սահմանամերձ գիւղի հետ եղեր է ընդամէնը տասը տարի առաջ, բայց կեդրոնացումը սահմանային կեանքի վրայ աճեցաւ 2020ին․ Արցախեան պատերազմէն անմիջապէս յետոյ. յարձակումը տան շեմին էր։ Ոտնձգութիւնը ստեղծած էր անհանգստութիւն, վախ ու խաւար։ Կար անսասան դիմադրութեան, հողին վրայ ամուր կանգնելու, թեւ ու թիկունք դառնալու, յոյսի, սիրոյ եւ ծառայութեան հեղեղի յուսահատ կարիք:

Աւետարանչականի Կորիս կեդրոնը տարազներ կը հայթայթէ Սիւնիք Մարզի Խնածախ սահմանամերձ գիւղի Ֆութպոլի խումբի երեխաներուն

AMAA-ն ականջալուր եղաւ այդ կոչին եւ այնտեղ էր՝ ուշադրութիւն դարձնելու, տեսնելու եւ լսելու, ողջագուրուելու եւ սէրն ու կարեկցանքը վերահաստատելու համար:

Ահա մեր խոստումները սահմանամերձ գիւղերուն.

– Մենք պիտի տառապինք եւ բարգաւաճինք ձեզի հետ

– Մենք կու գանք եւ մթութեան մէջ միասին լոյս կը վառենք

– Մենք ձեզմէ կը սորվինք եւ միասին կը պահենք մեր մաքրամաքուր արժէքները, անբիծ հաւատքն ու անարատ մշակոյթը:

Այսպիսով, սահմանները տարածութեան սկի՞զբն են, թէ՞ վերջը:

«Ճրագը կը դնեն աշտանակի վրայ, որ լուսաւորէ բոլոր տան մէջ եղողները» (Մատթէոս 5։15)

Սահմանամերձ գիւղերը մեր փարոսներն են։ Հայաստանի սահմաններուն վերջը «ամբողջ աշխարհի» սկիզբն է։

Կը Խնդրենք միանալ АМАА-ին, որպէսզի լոյսը վառ մնայ՝ սահմանէն այն կողմ: Հզօրացուցէ՛ք սահմանամերձ ընտանիքը:

***

Որպէս Քրիստոնէական կազմակերպութիւն, Աւետարանչականը իր ծառայութիւնը կը մատուցանէ բոլոր անոնց՝ որոնք օգնութեան կարիք ունին՝ առանց խտրութեան։ Աւետարանչականը իր այս համաշխարհային առաքելութիւնը կ՛իրականացնէ շարք մը կրթական, աւետարանչական եւ ընկերային ծառայութիւններու միջոցաւ աշխարհացրիւ 24 երկիրներու մէջ՝ ներառեալ Հայաստան եւ Արցախ։ Լրացուցիչ տեղեկութիւններու համար կրնաք այցելել Աւետարանչականի կայքէջը

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles