Հ.Օ.Մ.Ի ԱՐԵՒԵԼԵԱՆ Ա.Մ.Ն.Ի 94-ՐԴ ՊԱՏԳԱՄԱՒՈՐԱԿԱՆ ԺՈՂՈՎԸ ՊՈՍԹԸՆԻ ՄԷՋ

Հայ Օգնութեան Միութեան (Հ.Օ.Մ.) Արեւելեան Միացեալ Նահանգներու (Ա.Մ.Ն.) Շրջանը դարձեալ գումարեց յաջող շրջանային ժողով մը Օգոստոս 14-17, 2014-ին, Պըրլինկթըն Մասաչուսէցի մէջ: Չորս օրերու ընթացքին, 40 պատգամաւորներ ներկայացնելով 22 մասնաճիւղեր, ոգեւորութեամբ փոխանակեցին գաղափարներ, կարծիքներ եւ քուէարկեցին յառաջիկայ տարուայ ծրագիրներուն ուղղութեամբ: Որդեգրուած բանաձեւերը մնացին հարազատ Հ.Օ.Մ.-ի մարդասիրական առաքելութեան: 94-րդ Շրջանային ժողովի հիւրընկալ մասնաճիւղերն էին Քէյմպրիճ-ի ``Շուշի`` եւ Ուաթըրթաունի ``Լէոլա Սասունի`` մասնաճիւղերը: Պատգամաւորները վայելեցին հիւրընկալ մասնաճիւղին ջերմ ու տաքուկ ընդունելութիւնը: Հ.Օ.Մ.-ի Ա.Մ.Ն. ընթացաւարտ ատենապետուհի, ընկերուհի Անի Աթթար, բացման խօսքէն ետք, հրաւիրեց Ա.Մ.Ն. Արեւելեան Շրջանի Առաջնորդական փոխանորդ Եպիսկոպոս Անուշաւան Դանիէլեան որ իր պատգամն ու օրհնութիւնը փոխանցէ պատգամաւորներուն: Եպիսկոպոսը շնորհակալութիւն յայտնեց Հ.Օ.Մ.ի Ա.Մ.Ն. Շրժանին, կարիքաւորներուն հասնելու իրենց տգնաժան աշխատանքին եւ անխոնջ ջանքերուն: Անժէլ Մանուկեան փոխանցեց Հ.Յ.Դ.-ի Կեդրոնական Կոմիտէի խօսքը, նշելով որ Հ.Օ.Մ.-ի կազմակերպութիւնը կենսական է հայութեան, մասնաւորաբար ներկայիս: Սուրիոյ շարունակական տագնապի պատճառաւ, Հ.Օ.Մ.-ը որդեգրած է ծրագիրներ, ինչպէս ``Պնակ Մը Տաք Ճաշ`` Ծրագիրը, ``Երաշխաւորէ Սուրիահայ Ընտանիք մը`` Ծրագիրը եւ ``Տաքուկ Բնակարան`` Ծրագիրը, առանց խափանելու նախօրոք հաստատուած ծրագիրները: ``Հարիւրամեակէ մը աւելի, աշխարհի տարածքին, Հ.Օ.Մ.-ը կատարած է եւ կը շարունակէ կատարել օգնութիւն հայերուն``: Մանուկեան խօսքին մէջ անդրադարձաւ նաեւ Ցեղասպաննութեան յառաջիկայ 100 ամեակի յիշատակման: Ան շարունակեց խօսքը ըսելով թէ Հ.Օ.Մ.-ը պէտք է գործօն մասնակցութիւնը բերէ յիշատակման գործունէութիններուն ինչպէս նաեւ հաստատօրէն նեցուկ կանգնի մեր քոյր կազմակերպութիւններուն: Հ.Օ.Մ.-ի Ա.Մ.Ն. 94-րդ պատգամաւորական ժողովի Հ.Օ.Մ.-ի Կեդրոնական Վարչութեան ներկայացուցիչ Փօլին Կէցոյեան երախտապարտութիւնը արտայայտեց Կեդրոնական Վարչութեան կողմէ, Հ.Օ.Մ.-ի Ա.Մ.Ն. Արեւելեան Շրջանի աջակցութեան: ``Հ.Օ.Մ.-ի Արեւելեան Շրջանը կենսական է իր աշխուժ մասնաճիւղերու խմբակով, անդամներով եւ Շրջանային Վարչութեամբ: Այս շրջանի կարեւորութիւնը կենսական է Հ.Օ.Մ.-ին իբրեւ համաշխարհային կազմակերպութիւն եւ ԿՎ-ը այդ մէկուն լաւապէս տեղեակ է: Իրօք, Կեդրոնական Վարչութեան կողմէ կ՛ուզեմ շնորհակալութիւն յայտնել Արեւելեան Շրջանին ինչպէս նաեւ անոր մասնաճիւղերուն, ձեր բերած շարունակական եւ ազնուական աջակցութեան, բոլոր Հ.Օ.Մ.-ի նախաձեռնութիւններուն: Ձեր աջակցութիւնը մեր բոլոր ծրագիրներուն, մեծապէս գնահատելի է, այնքան մը որ անկարելի է արտայայտել մեր երախտագիտութիւնը, մասնաւորաբար, հանդէպ այն ծրագիրներու որոնք որդեգրուած են օգնելու պատերազմի մէջ գտնուող մեր սուրիահայ քոյրերուն ու եղբայրներուն``: Ժողովը ընտրեց ընկհ. Թալին Տաղլեան, Նիւ Ճըրզիի ``Ակնունի`` մասնաճիւղէն եւ Թալին Արթինեան, Շիքակոյի ``Զապէլ`` մասնաճիւղէն իբրեւ ժողովի ատենապետուհիներ: Հայերէնի եւ անգլերէնի քարտուղարներն էին Հելէնա Պարտաքճեան, Միշիկընի ``Զապէլ`` մասնաճիւղէն, Տալիտա Շատոյեան-Ղուսապ, Րիչմընտի ``Յոյս`` մասնաճիւղէն եւ Լուսին Յովաննէսեան, Ուաշինկթոնի ``Սաթենիկ`` մասնաճիւղէն: Հ.Օ.Մ.-ի Ա.Մ.Ն. Շրջանային Վարչութեան հիւրերն էին Մարօ Մինասեան, Մայտա Մելքոնեան եւ Գարօլ Ճաֆարեան: Ժողովականներու կողմէ հրաւիրուեցան Հէտըր Գրաֆեան, Քէյմպրիճ-ի ``Շուշի`` մասնաճիւղէն, Նարդուհի Ապրիմեան, ``Լօլա Սասունի`` մասնաճիւղէն եւ Լինտա Քէչեճեան Քէյմպրիճ-ի ``Շուշի`` մասնաճիւղէն: Շրջանային Վարչութիւնը ամփոփուած ձեւով,Power Point-ով ներկայացուց իր տարեկան տեղեկագիրը: Պատգամաւորները հետեւեցան տեղեկագրին իրենց տրամադրուած գրաւոր օրինակներով, ուր նշուած էին զանազան գործունէութիւնները, հիմնական ծրագիրները, ինչպէս կրթանպաստները, ``1915-ի Կիները`` Ծրագիրը, ՝՝Հայաստան Քէմփ՝՝ Երիտասարդական Ծրագիրը, Սուրիահայութեան օժանդակութեան աշխատանքներ եւ դրամահաւաքի նախաձեռնութիւններ Հայաստանի, Արցախի եւ Ջաւախքի ծրագիրներուն, ինչպէս Սօսէ Մանկապարտէզներու, Հ.Օ.Մ.-ի ՝՝Մօր ու Մանկան՝՝ Կեդրոնին եւ Հ.Ե.Դ. Ջաւախքի ճամբարին: Հաշուեքննիչ, հարաբերական եւ բանաձեւերու յանձնախունմբերը ներկայացուցին իրենց զեկոյցները: Պատգամաւորները քննեցին եւ արծարծեցին ներկայացուած բանաձեւերը, որոնք բծախնդրութեամբ համադրուած էին բանաձեւի յանձնախումբի հետեւեալ ընկերուհիներու կողմէ.- Հօլի Խալիկեան (Րեյսինի ``Սօսէ`` մասնաճիւղէն) , Արփի Տէյիրմէնճեան (Շիքակոյի ``Զապէլ`` մասնաճիւղէն) եւ Մարալ Խաչատուրեան (Փրովիտէնսի ``Արաքս`` մասնաճիւղէն): Ընդամէնը 11 բանաձեւեր որդեգրուեցան, 2014-2015 տարեշրջանի նախահաշիւին կողքին: Գարոլին Շմաւոնեան, կապը Հ.Օ.Մ.-ի Կեդրոնական Վարչութեան, ուղղեց խօսքը ժողովականներուն, գնահատելով պատգամաւորներու տեղական եւ համաշխարհային մակարդակի վրայ նիւթերու արծարծումը: Ան աւելցուց խօսքին մէջ թէ միասնաբար կարող ենք նուաճել նոր բարձունքներ: Հ.Օ.Մ.-ի Կեդրոնական Վարչութեան կողմէ, Շմաւոնեան շնորհակալութիւն յայտնեց բոլոր անդամներուն որոնք անպարտելիօրէն աշխատեցան իրենց նուիրումով եւ յանձնառութեամբ օգնելու Սուրիահայերուն եւ աջակցելու Հայ Օգնութեան Միութեան համաշխարհային զանազան տարբեր ծրագիրներուն: Ժողովը, առիթ տուաւ նաեւ որ պատգամաւորները իրար ծանօթանան ընկերային գետնի վրայ: Հինգշաբթի երեկոյ, հիւրընկալ մասնաճիւղերը, կազմակերպած էին պտոյտ մը, Պոսթընի տեսարժան վայրերու որոնց կողքին կը գտնուէին շրջանի յատուկ ճաշարաններ Ֆէնիւըլ Հօլի մէջ , ապա այցելեցին Հայկական Տոհմական Հանրային Պարտէզը (Armenian Heritage Park), որ կը գտնուի Րոզ Ֆիցճէրըլտ Կրինուէյի մօտակայքը, ուր հանդիպեցան Ճէյմս Գալուստեանին: Այս վերջինը տեղեկացուց, թէ այս հանրային պարտէզը ``նախատեսուած է երեխաներ եւ չափահասեր ներգրաւելու նպատակով``: Քանդակագործութեան նախագիծը կը խորհրդանշէ ներգաղթողներու փորձառութիւնը եւ նուիրուած է այն անձերուն որ կեանքերնին կորսնցուցին Հայկական Ցեղասպանութեան եւ զանոր յաջորդող բոլոր ցեղասպանութիւններուն: Քանդակագործութեան դիմաց կը գտնուի լաբիւրինթոսը: Օղակաձեւ անցքերը կը ողջունեն կեանքի ճանապարհը: Ուրբաթ գիշեր պատգամաւորները, պատուաւոր հիւրերու եւ համակիրներու կողքին, պարեցին, պատգամաւորական ժողովի պարահանդէս-ճաշկերոյթին, որ տեղի ունեցաւ Պըրլինկթըն Մերիըթէն ներս: Երեկոյի ընթաձքին, ճանաչումի արժանացան տարիներու վաստակաւոր Հ.Օ.Մ.-ի անդամուհիներ, կազմակերպութեան եւ գաղութին հանդէպ իրենց ցուցաբերած նուիրումին համար: Անդամներն են, ընկհ. Շաքէ Զարուկեան Քէյմպրիճ-ի ``Շուշի`` մասնաճիւղէն, ընկհ. Անայիս Մեքենաճեան եւ ընկհ. Նուարդ Գույումճեան Ուաթըրթաունի ``Լէոլա Սասունի`` մասնաճիւղէն: Շաբաթ երեկոյ, յաջող ժողովի օրէ մը ետք, պատգամաւորներն ու հիւրերը ճաշակեցին համեղ լիւլէ քէպապի եւ բիլաւի ընթրիք մը, տնային պատրաստութեամբ անուշեղէններով: Վայելեցին նաեւ տուտուկի համերգ մը, հայկական աւանդական եղանակներու, երաժշտութեամբ Մարթին Յարութիւնեանի եւ իր նուագախումբին, Ուաթըրթաունի Հայ Կեդրոնի (ACEC) բակին մէջ: Պատգամաւոչական ժողովը աւարտեցաւ բարձր տրամադրութեամբ: Ընթացաւարտ ատենապետուհի, Անի Աթթար եւ ընթացաւարտ խորհրդատու, Վալանթին Պէրպէրեան շնորհաւորեցին 2014-2015 տարուայ նորընտիր կազմի անդամները.- Թալին Տաղլեան (Նիւ Ճըրզիի ``Ակնունի`` Մասնաճիւղ), Սօնիա Պզտիկեան (Նիւ Եորքի ``Մայր`` Մասնաճիւղ), Թալին Մկրտիչեան (Փրովիտէնսի ``Արաքս`` Մասնաճիւղ), Սեւան Գոլէճեան (Ուաշինկթընի ``Սաթենիկ`` Մասնաճիւղ), Սիլվա Պետեան (Շիքակոյի ``Զապէլ`` Մասնաճիւղ), Մարկարէթ Պապիկեան-Մետինա (Նիւ Ճըրզիի ``Պերկըն Գաունթի`` Մասնաճիւղ) եւ Մելիսա Սիմոնեան (Փրովիտէնսի ``Անի`` Մասնաճիւղ): Անի Աթթար եւ Վալանթին Պէրպէրեան Շրջանային Վարչութեան անդամ ըլլալը պատիւ համարեցին: ``Հազարաւոր բարեկամներ ունեցայ`` ըսաւ Աթթար: Պէրպէրեան ըսաւ ``...բոլոր այս մասնաճիւղերու միասնական աշխատանքով, բազմաթիւ հրաշքներ տեղի ունեցան, իսկապէս հրաշք եղաւ``: ``Հ.Օ.Մ.-ը ընտանիք մըն է եւ տարուէ տարի կը համախմբուինք պատգամաւորական ժողովին ու կը կատարենք մեր աշխատանքը`` յայտնեց Անժէլ Մանուկեան: Վարչութեան անդամ, Սեւան Գոլէճեան քաջալերեց պատգամաւորները որ իրենց տուն վերադարձին, անդամարշաւով, ջանան ներգրաւել նոր անդամներ մեր շարքերէն ներս: ``Անհրաժեշտ է որ մեր երիտասարդութիւնը ծանօթ դառնայ մեր մարդասիրական աշխատանքներուն``: Վարչութիւնը շնորհակալութիւն յայտնեց գործավար քարտուղարուհի Վարդուհի Չիլոյեանին, իր Ա.Մ.Ն. Արեւելեան Շրջանի վարչական գրասենեակը կարավարելու կարողութեամբ: Չիլոյեան ճանչցուած է իր ատակութեամբ, պատասխանելու արագօրէն ոչ միայն վարչականներուն այլ բոլոր Արեւելեան Շրջանի մասնաճիւղերու հարցերուն: Հ.Օ.Մ.-ի Արեւելեան Շրջանի Վարչութիւնը յիշատակելի նուէրներով գնահատեց ընթացաւարտ Շրջանային Վարչութեան անդամներ Անի Աթթար եւ Վալանթին Պէրպէրեան, որոնց վրայ փորագրուած էր ``Շնորհակալութիւն Հ.Օ.Մ.-ի ձեր շարունակական անձնուիրութեան``: 2015-ը պիտի ըլլայ յիշատակութեան տարի մը ինչպէս նաեւ տարի մը նոր յիշատակներ կազմելու եւ ուժով յաղթահարելու նոր ձեռնարկումներ: Աշխարհի բոլոր ծագերուն, Հ.Օ.Մ.-ը հաստատ կը մնայ իր նուիրականութեամբ հայ ժողովուրդին: Նայիրի Յակոբեան (թարգմ. անգլերէնէ) Աւելի քան 1200 տոմս կարելի եղաւ սպառել կազմակերպուած վիճակահանութեան առթիւ։ Ստորեւ արդիւնքը.- 1st Prize Two nights stay in NY City, dinner for two, and two tickets to a show. Ticket # 1384 Ungh. Claudia Antranigian, MA 2nd Prize Apple iPad Air 16 GB Ticket # 1495 Ungh Vartouhie Chiloyan, MA 3rd Prize Kindle Fire HD Ticket # 0778 Mr. Chris Yangouyian, MI 4th Prize Needle work by the Armenian Relief Society of Syria Ticket # 1461 Ungh Flora Matossian, MA

Աղքատ… Մեծահարուստը, Կամ Վիթխարի ՄԵԾը՝ «Փեփէ» Մուխիքա

Ցեղասպանութեան Ընկերներ. Գերմանիան Ողջակիզումէն Ոչի՞նչ Սորված է

Հ.Օ.Մ.Ի ԱՐԵՒԵԼԵԱՆ Ա.Մ.Ն.Ի 94-ՐԴ ՊԱՏԳԱՄԱՒՈՐԱԿԱՆ ԺՈՂՈՎԸ ՊՈՍԹԸՆԻ ՄԷՋ

This story is FREE for you...

Leave a Reply

ԽՈՐԷՆ ԱՐՔ. ՏՈՂՐԱՄԱՃԵԱՆ՝ ՆԻՒ ՊՐԻԹԸՆԻ ՍՈՒՐԲ ՍՏԵՓԱՆՈՍ ԵԿԵՂԵՑՒՈՅ ՆՈՐ ՀՈՎԻՒ

This story is FREE for you...

Leave a Reply

Նմանատիպ Յօդուածներ

6 Հոկտեմբերի Նիստի Ազգային Ժողովը Վերածուեցաւ Ըմբշամարտի

Համով Պաղպաղակ, Անհամ «Բարբարակ». Տառացի Տառադարձութեան Տառապանքը

ԽՈՐԷՆ ԱՐՔ. ՏՈՂՐԱՄԱՃԵԱՆ՝ ՆԻՒ ՊՐԻԹԸՆԻ ՍՈՒՐԲ ՍՏԵՓԱՆՈՍ ԵԿԵՂԵՑՒՈՅ ՆՈՐ ՀՈՎԻՒ

Աղքատ… Մեծահարուստը, Կամ Վիթխարի ՄԵԾը՝ «Փեփէ» Մուխիքա

Ցեղասպանութեան Ընկերներ. Գերմանիան Ողջակիզումէն Ոչի՞նչ Սորված է