Պելճիքայի Խորհրդարանական Պատուիրակութեան Այցելութիւնը

0 0
Read Time:1 Minute, 34 Second

BELGIUM1
ԵՐԵՒԱՆ.- Պելճիքայէն խորհրդարանական պատուիրակութիւն մը, քանի մւ օրով աշխատանքային այցելութիւն մը կատարեց Արցախ եւ Հայաստան:
Հայաստանի Հանրապետութեան նախագահ Սերժ Սարգսեան ընդունեց այս պատուիրակութիւնը: Սարգսեան յոյս յայտնեց, որ Պելճիքայի երեսփոխաններուն այցելութեամբ աւելի պիտի զօրանան հայ-պելճիքական միջխորհրդարանական կապերը:
Նախագահ Սերժ Սարգսեան կարեւոր նկատած է, որ Պելճիքայի խորհրդարանականները Հայաստան այցելած են մեր երկրին եւ ժողովուրդին համար կարեւոր ժամանակաշրջանի մը ընթացքին` Հայոց Ցեղասպանութեան հարիւրամեակի տարին: Ան բարձր գնահատեց 1998-ին Պելճիքայի Ծերակոյտին կողմէ Հայոց ցեղասպանութեան ճանաչման բանաձեւի ընդունումը, նաեւ կարեւոր նկատած է յունիսին վարչապետ Շարլ Միշելի, իսկ մէկ ամիս ետք` Ներկայացուցիչներու տան կողմէ Ցեղասպանութիւնը ճանչցող բանաձեւի ընդունումը, որուն արդիւնքով Պելճիքան ամբողջացուցած է ճանաչման հոլովոյթը:BELGIUM3
Նախագահը ընդգծեց, որ Հայաստանը պատրաստակամ է աւելի ամրապնդելու Պելճիքայի հետ բարեկամական յարաբերութիւնները, որոնց կը նպաստեն նաեւ շարք մը կարեւոր հանգամանքներ: «Պելճիքան հարիւր տարի առաջ ապաստան տուաւ ցեղասպանութենէն փրկուած մեր հայրենակիցներուն, որոնց սերունդները այսօր կը շարունակեն ապրիլ եւ արարել այդ երկրին մէջ», ըսաւ ան:
Նախագահը բարձր գնահատեց բարեկամ Պելճիքայի հաւասարակշռուած դիրքորոշումը, Արցախի տագնապին հարցով, որ համահունչ է Եւրոպական Միութեան ընդհանուր մօտեցումին: Նախագահը ողջունեց խորհրդարանականներուն ցանկութիւնը` այցելելու Արցախի Հանրապետութիւն եւ տագնապին մասին անաչառ տեղեկութիւններ ստանալու անմիջապէս տեղւոյն վրայ` տեսնելով երկիրը եւ յարաբերելով արցախցիներուն հետ:BELGIUM2

Երեսփոխանները շարք մը այլ հարցերու կողքին Հայաստանի Հանրապետութեան նախագահէն հետաքրքրուած են նաեւ Հայաստանի Հանրապետութեան սահմանադրական բարեփոխումներու հոլովոյթով: Հանրապետութեան Նախագահը պատասխանած է խորհրդարանականները հետաքրքրող բոլոր հարցումներուն եւ ներկայացուցած Հայաստանի մօտեցումները:BELGIUM4
Պատուիրակութիւնը, Հայաստանի Ազգային ժողովի արտաքին յարաբերութիւններու մնայուն յանձնախումբի նախագահի տեղակալ Շիրակ Թորոսեանի ընկերակցութեամբ այցելեց Ծիծեռնակաբերդի յուշահամալիր:
Երեսփոխանները ծաղիկներ զետեղեցին 1915-ի Մեծ եղեռնի յուշարձանի անմար կրակին շուրջ եւ լռութեամբ ու խոնարհումով յարգած են սուրբ նահատակներուն յիշատակը: Պատուիրակութեան անդամները Հայոց Ցեղասպանութեան թանգարան-հիմնարկին մէջ ծանօթացան հայոց մեծ ողբերգութեան վերաբերող փաստաթուղթերուն եւ ցուցանմուշներուն, արձանագրած են յուշամատեանին մէջ:
Սեպտեմբեր 10-ին, պատուիրակութիւնը ժամանեց Արցախ եւ տեսակցեցաւ Արցախի Հանրապետութեան նախագահ Բակօ Սահակեանի հետ:
Ողջունելով պատուրակութեան անդամներուն՝ Ազգային ժողովի նախագահ Աշոտ Ղուլեան յայտնեց թէ բարձր կը գնահատէ օրինակելի երկիրներու պետական կառոյցներու, եւ մասնաւորապէս խորհրդարանականներու հետ շփումներն ու յարաբերութիւնները: Խորհրդարանական պատուիրակութեան ընկերակցեցաւ Հայ Դատի Եւրոպայի Ներկայացուցիչ Գասպար Կարապետեանը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles