Ո՛Չ ԹԱԼԱՆԻՆ…Ո՛Չ «ՄԱՅՏԱՆ»ԻՆ

0 0
Read Time:1 Minute, 42 Second

khemp

ՀԱՅՐԵՆԻՔ

Խմբագրական

Յունիս 24, 2015

Սխալ եւ աղաւաղուած ձեւով կը նկարագրուի Երեւանի պողոտաներու մէջ կատարուածը եւ այդ մէկը նոյնքան վնասակար ու վտանգաւոր է, որքան կատարուած ձերբակալութիւններն ու բանտարկութիւնները:
Մամուլն ալ կը փորձէ ծուղակի ձգել դիտորդը եւ զայն ուղղել տարբեր մտածումներու, մեկնաբանութիւններու եւ եզրակացութիւններու:
«Ազատութիւն» եւ «Բաղրամեան» պողոտաներու վրայ կատարուածը կարելի չէ բաղդատել Ուքրայինայի մէջ կատարուած «Մայտան»ին:
Համաշխարհայնացման պիտակ տալ, կամ աշխարհաքաղաքական ակնոցով դիտել հարցը, կրնայ յաւելեալ անտեղի վերլուծումներու յանգեցնել:
Ո՛չ…Պատահածը հայկակական «մայտան» չէ, ո՛չ ալ ելեկտրականական «մայտան»: Դեռ աւելին, ո՛չ ալ եռագոյն կամ ծիրանի գարուն:
Արեւմտեան աշխարհի տեղեկատուական միջոցներու ապատեղեկատուական այս ընթացքը պարզապէս ճիշտ ձեւով չի նկարագրեր պատահածը Երեւանի մէջ:
Միեւնոյն ընթացքին մէջ է նաեւ Ռուսաստանեան մամուլը, ուր ազդեցիկ թերթեր յանդգնած են մրոտելու թէ, Կովկասեան «Ուքրայինական Թնճուկ» մը սկսած է ստեղծուիլ:
Տեղին է շեշտել, կրկնել եւ ընդգծել թէ, ամբոխը կը բողոքէ ընկերային-տնտեսական հարցի մը պատճառով: Աւելի քան տարի մը առաջ, ցոյցեր ծայր առած էին փոխադրամիջոցներու սակի բարձրացման պատճառով: Իսկ այսօր, ժողովուրդը իր ցասումն ու զայրոյթը կ՛արտայայտէ, որովհետեւ պետութիւնը որոշած է 16.7 առ հարիւր համեմատութեամբ բարձրացնել ելեկտրականութեան սակագինը:
Հարցը քաղաքական եւ յատկապէս տարածաշրջանային ակնոցով դիտուած աշխահաքաղաքական հիմերու վրայ դրսեւորուած բնոյթ չունի:
Տարի մը առաջ, փոխադրամիջոցներու սակի բարձրացման գծով, երկրորդական էր փոխադրակառքին վաճառանիշը՝ եւրոպակա՞ն թէ ռուսական: Յունիս 2015-ին ալ, երկրորդական է այն իրականութիւնը թէ, ելեկտրականութիւն հայթայթող ընկերութիւնը՝ ռուսական է:
Եւրասիական Տնտեսական Միութիւն ընդդէմ Եւրոմիութիւն մրցակցութիւն չէ պատահածը, եւ այս գծով դժբախտաբար միջազգային մամուլը չուզէր տեղեկացնել հետաքրքրական երեւոյթ մը, որ կը փաստէ հարցին զուտ ընկերային-տնտեսական բնոյթը:
Արդարեւ, միջազգային մամուլը, թէ՛ Ուաշինկթընը եւ թէ՛ Մոսկուան կարեւորութեամբ չեն անդրադառնար, որ Ազգային Ժողովի պատգամաւորներն ալ, ներառեալ մեծամասնութիւն կազմող եւ սակագինի բարձրացման գործօնին մէջ մեծ դեր ունեցող Հայաստանի Հանրապետական Կուսակցութեան անդամներու ներկայութիւնը այս ցոյցերուն: Անոնք պատ կազմած են ցուցարարներուն եւ ոստիկաններուն միջեւ, բացայայտելով թէ պատահածը խոր քաղաքական բնոյթ չունի:
Հարցը, զուտ ընկերային-տնտեսական բնագաւառէն ներս գոյութիւն ունեցող սղաճն է, որ ամենայն նենգամտութեամբ կարելի է քաղաքական, աշխարհաքաղաքական դաշտ փոխադրել եւ թունաւորել Երեւանի պողոտաներուն վրայ ստեղծուած «լուռ ցաւեր»ը:
Ժամանակը չէ ծուղակը իյնալու:
Հետեւաբար…Ո՛չ թալանին, ո՛չ ալ շինծու, ելետրականական կամ եռագոյն «մայտան»ին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

3 thoughts on “Ո՛Չ ԹԱԼԱՆԻՆ…Ո՛Չ «ՄԱՅՏԱՆ»ԻՆ

  1. why not to think to buy electricity company and sell shares to
    Armenian shareholders and start de-monopolization of Armenian economy?
    A pan Armenian economic council can solve this problem peacefully.

  2. Յարգանք ողջախոհ մտածողութեան ու կեցուածքին:
    Երիտասարդութեան տաքարիւն մօտեցումը ընկերային արդարութիւն կերտելու եւ տարածելու մղումն է կարեւորը եւ ոչ թէ արտաքին ուժերու գործակալներուն (արեւելեան թէ արեւմտեան) աշխարհակալական ու տնտեսական նպատակներուն ծառայելը:
    Ոչ մէկ ատեն մեր հայեացքը պէտք է դիմել արտաքին «օգնութեան» (իբրեւ թէ), դիրքորոշումի կամ նոյնիսկ յայտարարութիւններու:

  3. Յարգանք ողջախոհ մտածողութեան ու կեցուածքին:
    Երիտասարդութեան տաքարիւն մօտեցումը դէպի ընկերային արդարութիւն կերտելու եւ տարածելու մղումն է կարեւորը եւ ոչ թէ արտաքին ուժերու գործակալներուն (արեւելեան թէ արեւմտեան) աշխարհակալական ու տնտեսական նպատակներուն ծառայելը:
    Ոչ մէկ ատեն մեր հայեացքը պէտք է դիմել արտաքին «օգնութեան» (իբրեւ թէ), դիրքորոշումի կամ նոյնիսկ յայտարարութիւններու:

Leave a Reply

Your email address will not be published.

Social profiles