Նիւ Եորքի Հ․ Օ․ Մ․-ի «Մայր» Մասնաճիւղի Կազմակերպած Ձեռնարկը 

1 0
Read Time:1 Minute, 5 Second

Նիւ Եորքի Հայ Օգնութեան Միութեան «Մայր» մասնաճիւղի տօնական օրերու վաճառքը տեղի ունեցաւ կիրակի, Դեկտեմբեր 5-ին, Սուրբ Լուսաւորիչ մայր եկեղեցւոյ ներքնասրահէն ներս։

Օրուան գոյացած գումարը լիբանանահայութեան պիտի փոխանցուէր։

Մասնաճիւղի ժրաջան ընկերուհիներու աշխատանքով սրահը զարդարուած  էր տօնական օրերու կարմիր ծաղիկներով եւ վաճառքի համար ծրարուած նուէրներով, գինիներով եւ համեղ ուտեստեղէններով, որոնք ամէնայն բծախնդրութեամբ մասնաճիւղի ընկերուհիներուն կողմէ պատրաստուած էին։

Սուրբ Լուսաւորիչ եկեղեցւոյ հովիւ` Տէր Մեսրոպ Քհն. Լագիսեան փոխանցեց իր սրտի խօսքը Հ.Օ.Մ.-ուհիներուն: Ան  շեշտեց, թէ Հ.Օ.Մ.-ի 111 տարուան գործունէութեան հիմքը անդամներուն գործունէութեան անշահախնդիր նուիրումը, համակ սէրն ու հաւատքն է։ «Հ.Օ.Մ.-ը այն կազմակերպութիւններէն է, որ սրտանց եւ նուիրումով կ՚աշխատի իր ժողովուրդին համար։ Հ.Օ.Մ.-ուհին հանգիստ ու դադար չունի» աւելցուց ան եզրակացնելով, թէ մայր եկեղեցի եւ «Մայր» մասնաճիւղը միշտ ալ գործակցելու պատրաստակամութիւն ունին։

Հ.Օ.Մ.-ի «Մայր» մասնաճիւղի ատենապետուհին Մարիա Եփրեմեան շնորհակալութեան խօսք փոխանցեց մասնաճիւղի վարչութեան եւ ընկերուհիներուն, որոնք անաչառօրէն գործի լծուեցան, նաեւ Տէր Մեսրոպ Քհն. Լագիսեանին եւ հոգաբարձութեան, որոնք սրտբացօրէն տրամադրեցին սրահը, կատարելու իրենց հաւաքը։

Ներկաները քաջալերեցին ընկերուհիներուն աշխատանքը եւ օժանդակեցին, գնելով ներկայացուած ապրանքները եւ գոհունակութեամբ մեկնեցան սրահէն։

Ձեռնարկը մեծ յաջողութեամբ պսակուեցաւ:

Մասնաճիւղի յաջողութիւնը կը պարտինք շրջանի հայորդիներու ազնուական օժանդակութեան,  նուիրատուներուն եւ Հ.Օ.Մ.-ուհիներուն աշխատանքին։ Այս հիման վրայ պիտի շարունակենք մեր նուիրական արշաւը ձգտելով դէպի վերելք։

Շնորհակալութիւն եւ վարձքերնիդ կատար սիրելի ընկերուհիներ:

Մ․ Շամլեան – Եփրեմեան

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles