ՆԻՒ ԵՈՐՔԻ ՀԱՅ ՀԱՄԱՅՆՔԸ ԶՕՐԱՎԻԳ ԿԸ ԿԱՆԳՆԻ ՍՈՒՐԻԱՀԱՅՈՒԹԵԱՆ

0 0
Read Time:1 Minute, 38 Second
Օշական Արքեպիսկոպոս եւ Շահան Արքեպիսկոպոս ներկաներու հետ
Օշական Արքեպիսկոպոս եւ Շահան Արքեպիսկոպոս ներկաներու հետ

Մարի Մերտխանեան-Եարալեան

Երկուշաբթի, Հոկտեմբեր 27-ին, Նիւ Եորքի Սուրբ Լուսաւորիչ Մայր Եկեղեցւոյ հաւատացեալները առիթ ունեցան հանդիպելու Բերիոյ Հայոց Թեմի Առաջնորդ Գերշ․ Տ. Շահան Սրբ․ Արք. Սարգիսեանին եւ ունկնդրելու սուրիահայութեան այսօրուան պատկերի մասին ներկայացուցած զեկոյցը: Հանդիպումը կազմակերպած էին Ս. Լուսաւորիչ Մայր Եկեղեցին եւ Հ․Յ․Դ․ “Արմէն Գարօ“ Կոմիտէութիւնը:
Բարի գալուստի եւ հանդիպման նպատակի մասին խօսք արտասանեց Ս. Լուսաւորիչ Մայր Եկեղեցւոյ հոգեւոր հովիւ՝ Արժ. Տ.Մեսրոպ Քհնյ. Լագիսեան:
Հանդիսավար Մարի Մերտխանեան-Եարալեան անդրադարձաւ սուրիահայ, մասնաւորաբար՝ հալէպահայ գաղութի կենսունակ անցեալին եւ ներկային: Խօսեցաւ հայկական վարժարաններու նեցուկ կանգնելու կարեւորութեան մասին:
Հալէպահայ շրջաններու եւ հայկական վարժարաններու մասին պատրաստուած երիզներ ցուցադրելէ ետք, Բերիոյ Թեմի Առաջնորդ Սրբազան Հայրը հնարաւոր մանրամասնութեամբ ներկայացուց այսօրուան պատկերը, սուրիահայութեան եւ հալէպահայութեան դժուարութիւններն ու մտահոգութիւնները: Խօսեցաւ զանոնք լուծելու համար կատարուած հաւաքական աշխատանքի մասին: Առանձնապէս ընդգծեց հայկական դպր

Ս. Լուսաւորիչ Շաբաթօրեայ եւ Կիրակնօրեայ վարժարաններու աշակերտները Շահան Սրբազանին կը փոխանցեն իրենց հանգանակած գումարը ($750.00)
Ս. Լուսաւորիչ Շաբաթօրեայ եւ Կիրակնօրեայ վարժարաններու աշակերտները Շահան Սրբազանին կը փոխանցեն իրենց հանգանակած գումարը ($750.00)

ոցական կառոյցը կենսունակ եւ ամուր պահելու անհրաժեշտութիւնը: Ան մէկէ աւելի անգամներ շեշտեց հայու նկարագրի կարեւոր յատկանիշները՝ աշխատասիրութիւն եւ ստեղծագործ միտք, որոնք մեր գոյատեւման երաշխիքներն են: Սրբազան հօր խօսքը եւ ներկաներու հարցումներուն տուած պատասխանները իրատեսական, պարզ, անմիջական եւ յստակ էին:

Հիւսիսային Ամերիկայի Արեւելեան Թեմի Առաջնորդ՝ Բարեջան Տ. Օշական Սրբ. Արք. Չօլոյեան շնորհակալութեան եւ երախտիքի խօսք ուղղեց Շահան Սրբազանին եւ Հալէպահայութեան եւ ընդգծեց, որ անոնց կեցուածքը մէկ բառով կարելի է ամփոփել. Հերոսութիւն:
Հանդիպումի պաշտօնական բաժինը աւարտեցաւ Տէր Մեսրոպ Քհնյ. Լագիսեանի գլխաւորութեամբ կատարուած նուիրահաւաքով:
Հիւրասիրութեան ընթացքին, ներկաները շարունակեցին հարցումներ ուղղել եւ լուսաբանութիւններ ստանալ հալէպահայ վարժարաններու եւ ընդհանրապէս՝ սուրիահայ գաղութը պահպանելու աշխատանքներու մասին: Ներկաները յոյսով եւ վստահութեամբ ներշնչուած մեկնեցան սրահէն:
Հանդիպումին համար խորապէս շնորհակալ ենք Տէր Մեսրոպ Քհնյ. Լագիսեանին, որ ոչ մէկ ճիգ խնայած էր նուիրահաւաքը յաջողութեան հասցնելու համար:
Շնորհակալութիւն՝ Արեւելեան Թեմի Առաջնորդ՝ Օշական Արքեպիսկոպոսին, որ իր օրհնութեամբ հովանաւորած էր երեկոն եւ թեւ ու թիկունք էր Շահան Սրբազանին:
Մեծագոյն շնորհակալութիւնը՝ Շահան Սրբազանին, որ պատերազմական Հալէպէն լոյս եւ յոյս բերած էր մեզի:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles