ՆԱՓՈԼԻԻ ՄԷՋ.- Ի ՅԻՇԱՏԱԿ ՀԱՅՈՑ ՑԵՂԱՍՊԱՆՈՒԹԵԱՆ ՆԱՀԱՏԱԿՆԵՐՈՒՆ ԽԱՉՔԱՐԻ ԶԵՏԵՂՈՒՄ

0 0
Read Time:54 Second

 

p6 bis

 

ՆԱՓՈԼԻ- Նախաձեռնութեամբ՝ Վատիկանի եւ Մալթայի Հ.Հ. դեսպան Միքայէլ Մինասեանի, Շաբաթ Ապրիլ 11-ին Նափոլիի՝ Հայոց Սուրբ Գրիգոր Լուսաւորիչ եկեղեցւոյ մէջ, տեղի ունեցաւ խաչքարի զետեղման արարողութիւն ի յիշատակ Հայոց Ցեղասպանութեան նահատակներուն։

Արարողութեան ներկայ գտնուեցան Հ.Հ. նախագահ՝ Սերժ Սարգսեան, Ամենայն Հայոց Կաթողիկոս Գարեգին Բ., Մեծի Տանն Կիլիկիոյ Արամ Ա. Կաթողիկոս, Տանն Կիլիկիոյ Կաթողիկէ Հայոց Ներսէս-Պետրոս ԺԹ., Նափոլիի առաջնորդ՝ Կարտինալ Քրէսէնցօ Սէփէ, Կարդինալ Քուրթ Քոխ, Նափոլիի քաղաքապետը։ Կարտինալ Սեպէ իր խօսքին մէջ կատարած է Սուրբ Գրիգոր Լուսաւորիչի պատմականը, խօսեցաւ Նափոլի քաղաքին վրայ անոր ազդեցութեան մասին։

Կարտինալ Սեփէ անդրադարձաւ Հայոց Ցեղասպանութեան հարիւրամեակին մասին եւս, յիշելով Հայոց նահատակութիւնը եւ այդ նահատակութեան կարեւորութիւնը հայ ժողովուրդին համար։ Գարեգին Բ. Կաթողիկոս հայերէնով արտասանուած իր ճառին մէջ նոյնպէս մեծարած է Սուրբը, վեր առնելով հայ-իտալական բարեկամութիւնը, նաեւ Հայ Եկեղեցւոյ եւ Կաթողիկէ աշխարհի միութիւնը, բարեկամութիւնը։

Արամ Ա. Կաթողիկոս, իր ճառը արտասանեց անգլերէն լեզուով։ Ան եւս անդրադարձաւ Սուրբին կեանքին եւ Հայոց Ցեղասպանութեան հարիւրամեակին։

Այս արարողութենէն ետք տեղի ունեցած է Սուրբ Գրիգոր Լուսաւորիչի ներգնագաւիթին մէջ զետեղուած խաչքարին օծումը եւ բացումը. այս խաչքարը նմանօրինակ է այս խաչքարերէն մէկուն, որոնք Ջուղայի մէջ փճացուեցան ատրպէյճանական բանակին կողմէ։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles